Foto: ashyq derekkóz
Densaýlyq saqtaý ministrligi 2025 jyldan bastap eń suranysqa ie 8 meditsinalyq anyqtamany elektrondyq formatqa belsendi túrde kóshirip keledi, dep habarlaidy Ult.kz.
- Eńbekke ýaqytsha jaramsyzdyq paraǵy - aýrýhana paraǵy;
- 075/e «Meditsinalyq anyqtama»;
- 026/ e «DKK qorytyndysy»;
- 073/e «KQ basqarýǵa ruqsat týraly anyqtama»;
- 069/e «Sanatoriilik-kýrorttyq karta»;
- 052-2/e «Balanyń densaýlyq pasporty»;
- 076/e «Qarýǵa ruqsat alý»;
- 038/e «Eńbekke ýaqytsha jaramsyzdyq týraly anyqtama».
Azamattarǵa yńǵaily bolý úshin qujattardyń qaǵaz nusqalaryn alyp júrýdiń qajeti joq, bul anyqtama alýshylardyń ýaqyty men qarajatyn únemdeidi. Tsifrlyq meditsinalyq qujattarǵa kóshý olardy burmalaý jáne zańsyz berý múmkindigin boldyrmaitynyn atap ótken jón.
Máselen, búginde 2024 jylǵy 1 qańtardan bastap 2025 jylǵy 31 naýryzǵa deiin berilgen 4,3 mln-nan astam eńbekke jaramsyzdyq paraǵy tsifrlandyryldy.
Ministrlik eńbekke jaramsyzdyq paraǵyn alýdyń biznes-protsesine reinjiniring júrgizdi: eńbekke jaramsyzdyq paraǵyn berý meditsinalyq uiym qyzmetkeriniń MAJ-ǵa elektrondyq tsifrlyq qoltańbasy qoiylǵannan keiin júzege asyrylady, osylaisha qujattyń zańdylyǵyn rastaidy.
Eńbekke jaramsyzdyq paraqtaryn ashý týraly faktiler azamattyń kelisimimen jumys berýshige beriledi.
Eger buryn jumys berýshi qyzmetkerdiń jumysqa shyqqan kezdegi aýrýy týraly bilse, endi hr.enbek.kz portaly arqyly aýrýhana paraǵynyń ashylýy nemese uzartylýy týraly elektrondyq habarlama kelip túsedi. Qyzmetker úshin eńbekke jaramsyzdyq paraǵy Enbek HR mobildik qosymshasy arqyly qoljetimdi bolady.
Sonymen qatar, qyzmetker eńbek shartyn esepke alýdyń biryńǵai júiesinde tirkelgen qoldanystaǵy eńbek sharty bar jumys berýshiniń jeke kabinetine eńbekke jaramsyzdyq paraǵyn jiberýge múmkindigi bar.
Jumys berýshiler úshin hr.enbek.kz portaldaǵy «Jeke is» modýli arqyly qyzmetkerlerdiń eńbekke jaramsyzdyq paraqtaryn óz betinshe suraý múmkindigi, hr.enbek.kzsondai-aq 2025 jylǵy 1 maýsymǵa deiin derbes derekterdi óńdeýge kelisim suratýmen qosymsha ázirlenetin bolady.
Búgingi tańda 749 qyzmetker jańa mehanizm boiynsha 506 jumys berýshige 825 eńbekke jaramsyzdyq paraǵyn jiberdi.
Qazirgi ýaqytta barlyq meditsinalyq uiymdarda elektrondyq eńbekke jaramsyzdyq paraqtary engizilýde, biraq qaǵaz paraqtary 2025 jylǵy 1 maýsymǵa deiin jumys isteidi.
