ادامدارعا ۆاكتسينانى تاڭداۋ قۇقىعى جەنە تيٸستٸ اقپارات بەرٸلۋٸ تيٸس. بۇل تۋرالى ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى "ۇلت اقپارات".
«قازٸرگٸ كەزدە اۋرۋ جۇقتىرۋ بويىنشا جاعدايدىڭ جاقسارعانى بايقالىپ وتىر. دەگەنمەن 6 ٶڭٸر «قىزىل» ايماقتا. بۇل - نۇر-سۇلتان جەنە الماتى قالالارى, باتىس قازاقستان, اقمولا, قاراعاندى, اتىراۋ وبلىستارى. ۆيرۋستىڭ رەپرودۋكتيۆتٸلٸك يندەكسٸ 0,98 قۇرايدى. اۋرۋحانالارداعى ورىندار – 36, جانساقتاۋ بٶلٸمدەرٸ 28 پايىز تولى», - دەدٸ ٷكٸمەت باسشىسى.
سونىمەن قاتار ول قازٸرگٸ تاڭدا, ۆاكتسينانىڭ بٸرٸنشٸ كومپونەنتٸ 1,9 ميلليوننان استام ادامعا, ەكٸنشٸ كومپونەنتٸ 800 مىڭعا جۋىق ادامعا ەگٸلگەنٸن اتاپ ٶتتٸ.
«سونىمەن قاتار, قويمالار مەن مەديتسينالىق ۇيىمداردا ۆاكتسينانىڭ بٸرٸنشٸ جەنە ەكٸنشٸ كومپونەنتتەرٸ جەتكٸلٸكتٸ كٶلەمدە بار. ۆاكتسينالاردىڭ قورى ٷنەمٸ تولىقتىرىلىپ وتىرادى. ۆاكتسينالاۋ – جوسپار بويىنشا جٷرگٸزٸلۋدە. ٶڭٸرلەردە ۆاكتسينالاۋدى ارتتىرۋ بويىنشا جۇمىستى جالعاستىرۋ قاجەت. ەكٸمدەر مەسەلەنٸ ەرەكشە باقىلاۋدا ۇستاسىن», - دەدٸ پرەمەر-مينيستر.
اسقار مامين ادامدارعا ۆاكتسينانى تاڭداۋ قۇقىعى جەنە تيٸستٸ اقپارات بەرٸلۋٸ تيٸستٸگٸن باسا ايتتى. ەسٸرەسە, دەنساۋلىق ساقتاۋ مينيسترلٸگٸ ۆاكتسينالاۋ اراسىنداعى ينتەرۆالدى ناقتى انىقتاپ, حالىقتىڭ قالاۋىنا نازار اۋدارۋ كەرەكتٸگٸنە اتاپ ٶتتٸ.
«سونىمەن قاتار شەكتەۋ شارالارىنىڭ ساقتالۋىن باقىلاۋ جٶنٸندەگٸ مونيتورينگتەۋ توپتارىنىڭ جۇمىسىن جالعاستىرۋ قاجەت. «اشىق» قوسىمشاسىن پايدالانۋ وڭ نەتيجەسٸن بەرٸپ وتىر. سونىڭ ارقاسىندا قىزمەتتەر كٶرسەتۋ سالاسىنداعى بيزنەستٸڭ جۇمىس ٸستەۋ مٷمكٸندٸگٸ جاقساردى, ولارعا كەلۋشٸ ادامداردىڭ قاۋٸپسٸزدٸگٸ ارتتى. قوسىمشانى پايدالانۋ سالالارىن ودان ەرٸ دە كەڭەيتۋ قاجەت», - دەدٸ ٷكٸمەت باسشىسى.
