الماتى قالاسى قوعامدىق كەڭەسٸنٸڭ وتىرىسىندا دەنيس تەننٸڭ ٶلٸمٸنەن كەيٸن پوليتسەيلەردٸڭ جالاقىسىن كٶتەرۋ تۋرالى ۇسىنىس جاسالدى, - دەپ حابارلايدى Tengrinews.kz تٸلشٸسٸ.
كەڭەس مٷشەلەرٸنٸڭ بٸرٸ ەلٸبەك شەپەنوۆ قالا تۇرعىندارىنىڭ قاۋٸپسٸزدٸگٸنە ارنالعان وتىرىستا قۇقىق قورعاۋ ورگاندارىنىڭ جالاقىسى از - شامامەن 120 مىڭ تەڭگە ەكەنٸن ايتتى, سوندىقتان ولاردىڭ قىلمىستىڭ بەتٸن اشۋعا نيەتٸ جوق ەكەن.
"قازٸر پوليتسيياعا قىزمەتكە كەلٸپ-كەتٸپ جاتقاندار سانى كٶپ. دەمالىسسىز, مەرەكەسٸز قىزمەت ەتەدٸ, ولاردىڭ الاڭداردا تۇراتىنىن كٶرٸپ جٷرمٸز. بٸراق بۇل ەڭبەك ەلەنبەيدٸ. تەرگەۋشٸ شامامەن 120 مىڭ تەڭگە ايلىق الادى, ال ونىڭ وتباسى بار. از ايلىققا سونشا بارىن سالىپ جۇمىس ٸستەۋدٸڭ نە كەرەگٸ بار? ەلەۋمەتتٸك پاكەتتٸ قايتا قاراۋىمىز كەرەك, پوليتسەيلەرٸمٸز لايىقتى جالاقى الۋى كەرەك", - دەدٸ ەلٸبەك شەپەنوۆ.
