اتاقتى مەنەرلەپ سىرعاناۋشى دەنيس تەن اتىنداعى قور Instagram پاراقشاسىندا جانكٷيەرلەردەن كٶمەك سۇرادى, دەپ حابارلايدى قازاقپارات تٸلشٸسٸ.
«قۇرمەتتٸ دوستار! دەنيس تەن ستسەنارييٸ بويىنشا «كٶزسٸز ماحاببات» فيلمٸنٸڭ تٷسٸرٸلٸم جۇمىستارى باستالدى. بٸزگە دەنيستٸڭ يدەيالارىن تيٸمدٸ جٷزەگە اسىرۋ ٷشٸن سٸزدەردٸڭ كٶمەكتەرٸڭٸز قاجەت», - دەدٸ قور ٶكٸلدەرٸ.
قور ٶكٸلدەرٸ مۇز ايدىنى شوۋلارىنا كەلگەن ەر كٶرەرمەننەن info@denistenfoundation.org ەلەكتروندى ادرەسٸنە فوتو, ۆيدەوماتەريال جٸبەرۋٸن سۇرادى.
كادردا دەنيس تەن بولۋى تيٸس.
«بٸزگە دەنيس شوۋلارىنان ۆيدەو كەرەك. ول تريبۋنادان, ساحنادان, دايىندىق زالىنان تٷسٸرٸلگەن بولۋى مٷمكٸن», - دەدٸ ولار.
كينورەجيسسەر تيمۋر بەكمامبەتوۆ دەنيس تەننٸڭ ستسەناريٸمەن جازىلعان «كٶزسٸز ماحاببات» كينوسى اقش-تا تٷسٸرٸلەتٸنٸن ايتقان بولاتىن.
ماحابات تۋرالى فيلم تەننٸڭ ٶلٸمٸنە بٸر جىل تولاتىن ۋاقىتتا كٶرەرمەنگە جول تارتاتىن بولادى.
