قاپىدا ۇرىلاردىڭ قولىنان قازا تاپقان وليمپيادا قولا جٷلدەگەرٸ دەنيس تەننٸڭ اناسى ۇلىنىڭ يدەيالارىن جٷزەگە اسىرۋعا قاتىستى جوسپارلارىن جارييا ەتتٸ, دەپ حابارلايدى قازاقپارات تٸلشٸسٸ.
قيىن كٷندەرٸ جان-جاقتى قولداۋ كٶرسەتكەن بارشا قازاقستاندىقتارعا دەنيستٸڭ وتباسى اتىنان ريزاشىلىعىن بٸلدٸرگەن وكسانا تەن ۇلىنىڭ اتىن مەڭگٸگە قالدىرۋعا قاتىستى كٶپتەگەن يدەيالار مەن ۇسىنىستاردىڭ بولعانىن ايتتى.
«بٸز مەملەكەتتٸك ورگاندارمەن بٸرگە مۇنداي جۇمىستاردى باستاپ كەتكەنٸمٸزدٸ قوعامعا قۇلاعدار ەتكٸم كەلەدٸ. دەنيستٸڭ جوسپارلارى مەن جوبالارىن جٷزەگە اسىرۋ ٷشٸن ارنايى قوعامدىق قوردى تٸركەۋ جٷرٸپ جاتىر. مەدەنيەت جەنە سپورت مينيسترلٸگٸنٸڭ, الماتى قالاسى ەكٸمدٸگٸنٸڭ باسشىلىعىمەن جەكە كەزدەسۋ بارىسىندا بٸرقاتار ۇسىنىس جاساعان ەدٸك. ولاردىڭ بارلىعى دا تٷسٸنٸستٸك تاۋىپ, قولداۋعا يە بولدى. قازاقستان رەسپۋبليكاسىنىڭ مەدەنيەت جەنە سپورت مينيسترلٸگٸ دەنيس تەن اتىنداعى مەنەرلەپ سىرعاناۋ اكادەميياسىن اشۋدى جوسپارلاپ وتىر. ال الماتى قالاسىنىڭ ەكٸمدٸگٸ جىل سايىن دەنيستٸ ەسكە الۋعا ارنالعان مەنەرلەپ سىرعاناۋدان حالىقارالىق تۋرنير ٶتكٸزۋدٸ ٶز موينىنا الدى», - دەدٸ وكسانا تەن.
ونىڭ اتاپ ٶتۋٸنشە, الماتى ەكٸمدٸگٸ قايعىلى وقيعا ورىن العان جەرگە دەنيستٸڭ ەسكەرتكٸشٸن ورناتۋ جوباسىن جٷزەگە اسىرۋدى قولعا الماق. ول ٷشٸن ارنايى كوميسسييا قۇرىلىپ, ونىڭ قۇرامىنا دەنيستٸڭ وتباسىنىڭ مٷشەلەرٸ دە كٸرەتٸن بولادى.ككەسٸبي مٷسٸنشٸلەر اراسىندا بايقاۋ جارييالانادى.
«مۇنان بٶلەك, ەكٸمدٸك دەنيس دٷنيەگە كەلٸپ, ٶمٸر سٷرگەن ٷيٸمٸزگە ەسكەرتكٸش تاقتاسىن ورناتۋعا, دەنيس تۋرالى كٸتاپ شىعارۋعا كٶمەكتەسۋگە ۋەدە بەردٸ. بٷگٸندە دەنيستٸڭ دوستارىمەن بٸرگە كٸتاپقا ارنالعان ماتەريالداردى دايىنداپ جاتىرمىز. تاياۋ ۋاقىتتا دەنيس تەن قورىنىڭ كەڭسەسٸ ورنالاسقان مەكەنجايدى حابارلايتىن بولامىز. بٸزدٸڭ قاسىمىزدان تابىلىپ, جان-جاقتى كٶمەك كٶرسەتكەندەردٸڭ بارلىعىنا العىسىمىز شەكسٸز», - دەدٸ وكسانا تەن.
سونىمەن قاتار, ول دەنيستٸڭ يدەيالارى ناقتى ٶمٸردە جٷزەگە اسارىنا سەنٸمدٸ ەكەندٸگٸن باسا اتاپ ٶتەدٸ.
