7-8 جەلتوقسان كٷندەرٸ بوران مەن كٶكتايعاقتىڭ سالدارىنان تٶتەنشە جايدايلار بويىنشا قىزمەت رەسپۋبليكالىق اۆتوجولداردا 200-دەي ادامعا كٶمەك كٶرسەتٸپ, قار قۇرساۋىندا قالعان 102 تەحنيكانى شىعاردى, دەپ حابارلايدى "ۇلت اقپارات".
قر ٸٸم تٶتەنشە جاعدايلار كوميتەتٸ باسپاسٶز قىزمەتٸنٸڭ حابارلاۋىنشا, اقمولا, قاراعاندى, پاۆلودار جەنە باتىس قازاقستان وبلىستارىندا اپاتتى-قۇتقارۋ جۇمىستارى جٷرگٸزٸلدٸ. وعان قۇتقارۋ قىزمەتٸنەن بٶلەك, جەرگٸلٸكتٸ اتقارۋشى ورگانداردىڭ, پوليتسييانىڭ, «قازاۆتوجول» جشس-نىڭ ٶكٸلدەرٸ جۇمىلدىرىلدى.
مەسەلەن اقمولا وبلىسىندا «سۋرگۋت-شىمكەنت» باعىتىنداعى «Setra» اۆتوبۋسىنداعى 69 جولاۋشى «نۇر-سۇلتان-پەتروپاۆل» اۆتوجولى اشىلعانشا كٶكشەتاۋ قالاسىنداعى جىلىتۋ بەكەتٸنە ۋاقىتشا ورنالاستىرىلدى. جالپى, بۇل كٷندەرٸ ٶڭٸردە ەسكەرتۋدٸ ەلەمەي جولعا شىعىپ كەتكەن كٶپتەگەن جولاۋشىعا كٶمەك كٶرسەتٸلدٸ.
نۇر-سۇلتان قالاسىنان 60 شاقىرىمداي جەردە «نۇر-سۇلتان-پاۆلودار» اۆتوجولىندا 50-60 شاقتى كٶلٸك جولدا قالعان. قوياندى مەن پريرەچنوە ەلدٸ مەكەندەرٸنٸڭ اراسىندا تۇرىپ قالعان ماشينالاردى قار قۇرساۋىنان شىعارۋعا ارنايى تەحنيكا جٶنەلتٸلدٸ. ادامدار اۋىلدارداعى مەكتەپتەرگە, جول بويىنداعى دەمحانالار مەن ارنايى جىلىتۋ بەكەتتەرٸنە ورنالاستىرىلدى. جولدى قاردان ارشۋعا 10 تەحنيكا جۇمىلدىرىلدى.
قوياندى ەلدٸ مەكەنٸنەن سوفيەۆكاعا دەيٸن 36 كٶلٸكتەن تۇراتىن كولونانى تەرتٸپ ساقشىلارى جەتكٸزٸپ سالدى. مامانداردىڭ سٶزٸنە قاراعاندا, ەشكٸم زارداپ شەكپەگەن, قۇتقارۋ جۇمىسى اياقتالعان. اۆتوجولدار تازالانىپ جاتىر.
قاراعاندى وبلىسىنداعى «الماتى-ەكاتەرينبۋرگ» اۆتوجولىندا كٶكتايعاق سالدارىنان 20 شاقتى جولاۋشىسى بار ەكٸ اۆتوبۋس جولدان شىعىپ كەتتٸ. جولاۋشىلار زارداپ شەكپەگەن, سٷيرەپ شىعارىلعان كٶلٸكتەر جولىن جالعادى.
پاۆلودار وبلىسىندا ەكٸباستۇز قالاسىنىڭ ماڭىندا كٶكتايعاقتىڭ سالدارىنان 65 جٷك كٶلٸگٸ جولدا قالدى. «قازاۆتوجول» جشس قۇم-تۇز قوسپاسىن تٶسەگەننەن كەيٸن عانا كٶلٸكتەر جولعا شىقتى.
ال «سەمەي-قاراعاندى» باعىتىنداعى اۆتوبۋستىڭ 11 جولاۋشىسى رەسپۋبليكالىق ماڭىزى بار جولداردىڭ جابىلۋىنا بايلانىستى ەكٸباستۇزداعى ورتا مەكتەپكە, جەلەزينكا ەلدٸ مەكەنٸندە «ومبى-پاۆلودار» باعىتىنداعى اۆتوبۋستىڭ 15 جولاۋشىسى جەرگٸلٸكتٸ مەكتەپ-ينتەرناتقا ۋاقىتشا ورنالاستىرىلدى. تاڭەرتەڭ جول اشىلعاننان كەيٸن اۆتوبۋستار جولعا شىقتى.
باتىس قازاقستان وبلىسى بەيتەرەك اۋدانىندا جولدا قالعان «Toyota Land Cruiser» اۆتوكٶلٸگٸن قۇتقارۋشىلار قار قۇرساۋىنان الىپ شىقتى. اۆتوكٶلٸك سالونىندا 4 ادام بولعان, ولار دٸن امان.
ازاماتتىق قورعانىس قىزمەتٸنٸڭ ماماندارى قولايسىز اۋا رايى تۋرالى حابارلاما كەلگەن جاعدايدا الىس جولعا شىقپاۋدى ەسكەرتەدٸ.
