ٶزبەكستاندا جاعا ۇستاتارلىق جاعداي بولدى. تاشكەنت پەداگوگيكا ينستيتۋىندا دەكان ورىنباسارى ستۋدەنت قىزدى زورلاماق بولىپ, ەكٸنشٸ قاباتتاعى كابينەتتٸڭ تەرەزەسٸنەن يتەرٸپ جٸبەرگەن, دەپ حابارلايدى Sputnik قازاقستان پورتالى Sputnik ٶزبەكستان-عا سٸلتەمە جاساپ.
تەرگەۋ بارىسىندا انىقتالعانداي, 3-كۋرس ستۋدەنتٸ بايقاۋعا مٸنەزدەمە الۋ ٷشٸن دەكان ورىنباسارىنىڭ كابينەتٸنە كٸرگەن. بٸراق ەر ادام ەسٸكتٸ ٸشتەن جاۋىپ, قىزدى زورلاماق بولادى. وسى سەتتە قىز اشىق تۇرعان تەرەزەگە جٷگٸرٸپ, كٶمەك سۇرايدى. الايدا دەكان ورىنباسارى ونى تەرەزەدەن يتەرٸپ جٸبەرگەن.
اۋىر جاراقات العان ستۋدەنت شۇعىل اۋرۋحاناعا جەتكٸزٸلدٸ, وعان بٸرنەشە وتا جاسالدى.
دەكان ورىنباسارى قىز تەرەزەنٸ جۋىپ جٷرگەندە ٶزٸ قۇلاپ تٷستٸ دەپ اقتالعان. الايدا تەرگەۋشٸلەر ونىڭ بۇل جاۋابىنا سەنگەن جوق. كٷدٸكتٸ ۇستالدى. ٶزبەكستان قىلمىستىق كودەكسٸنٸڭ "زورلاۋ" جەنە "دەنساۋلىققا قاساقانا ورتاشا دەرەجەدە زييان كەلتٸرۋ" باپتارى بويىنشا قىلمىستىق ٸس قوزعالدى, دەپ حابارلادى ەلدٸڭ ٸشكٸ ٸستەر باس باسقارماسى.
دەنساۋلىق ساقتاۋ مينيسترلٸگٸنٸڭ اقپاراتىنشا, ستۋدەنت جابىق باس سٷيەك-مي جاراقاتىن الدى, سٷيەگٸ سىنىپ, ميى شايقالعان, ماڭدايى جارىلعان.
قازٸر قىزدىڭ جاعدايى قاناعاتتانارلىق, دەرٸگەرلەردٸڭ باقىلاۋىندا.
