دٷنيەجٷزٸلٸك دەنساۋلىق ساقتاۋ ۇيىمىنىڭ (ددۇ) باسشىسى تەدروس ادراحوم گەبرەيەسۋس جەنەۆادا باق ٷشٸن ۇيىمداستىرىلعان بريفينگ كەزٸندە ددۇ جاڭا كوروناۆيرۋسكە قارسى پرەپاراتتار – گيدروكسيحلوروحين مەن حلوروحيندٸ سىناقتان ٶتكٸزۋدٸ ۋاقىتشا توقتاتقانىن مەلٸمدەدٸ. بۇل تۋرالى CNN اگەنتتٸگٸ حابارلايدى.
شەشٸم جۇما كٷنٸ The Lancet مەديتسينالىق جۋرنالىندا جارييالانعان وبسەرۆاتسييالىق زەرتتەۋ نەتيجەلەرٸ بويىنشا قابىلدانعان. زەرتتەۋ اۆتورلارىنىڭ ايتۋىنشا, كوروناۆيرۋسكە شالدىعىپ, گيدروكسيحلوروحين جەنە حلوروحينمەن ەم العان پاتسيەنتتەردٸڭ اراسىندا ٶلٸم دەڭگەيٸ جوعارى بولعان.
تەدروس گەبرەيەسۋس سىناق جٷرگٸزگەن تەۋەلسٸز اتقارۋشى توپ قازٸرگٸ كەزدە بارلىق قولجەتٸمدٸ دەلەلدەردٸ قاراستىرىپ, زەرتتەۋ اياقتالعانشا پرەپاراتتاردى قولدانۋدى ۋاقىتشا توقتاتقانىن مەلٸم ەتتٸ. اتقارۋشى توپقا زەرتتەۋگە قاتىسىپ وتىرعان 10 ەل ەنگەن.
زەرتتەۋگە 35 ەلدەن 400-دەن استام اۋرۋحانانىڭ پاتسيەنتتەرٸ قاتىسۋدا. بۇل – COVID-19 ٸندەتٸنە قارسى قاۋٸپسٸز ەرٸ تيٸمدٸ پرەپاراتتاردى ٸزدەۋ بويىنشا جاھاندىق زەرتتەۋ جۇمىسى.
ددۇ باسشىسى زەرتتەۋدٸڭ باسقا كەزەڭدەرٸ جالعاستىرىلىپ وتىرعانىن قوسىپ ٶتتٸ. ول سونداي-اق پرەپاراتتاردىڭ ەكەۋٸن دە «اۋتويممۋندىق سىرقاتتارى بار نەمەسە بەزگەكپەن اۋىراتىن پاتسيەنتتەرگە قولدانۋ» قاۋٸپسٸز ەكەنٸن اتاپ ٶتتٸ.
CNN-نٸڭ جازۋىنشا, بۇعان دەيٸن اقش پرەزيدەنتٸ دونالد ترامپ دەرٸگەرمەن كەڭەسكەن سوڭ گيدروكسيحلوروحيندٸ كٷندەلٸكتٸ قابىلداپ جٷرگەنٸن مەلٸم ەتكەن.
اقٷي باسشىسىنىڭ ايتۋىنشا, ول كوروناۆيرۋسپەن كٷرەس جٷرگٸزٸپ وتىرعان مەديتسينالىق قىزمەتكەرلەردەن پرەپارات تۋرالى ٶتە كٶپ جاقسى پٸكٸر ەستٸگەن. ترامپ كوروناۆيرۋسقا تەستتٸ بٸرنەشە رەت تاپسىرىپ, بارلىعىندا دا تەرٸس كٶرسەتكٸش بولدى.
پرەزيدەنت ترامپتىڭ پرەپارات تۋرالى پٸكٸرٸنەن سوڭ, ونىڭ ساتىلىمى كٷرت ارتقان.
