الداعى جارتى جىلدا تابىسى تٶمەن جەنە ورتاشا ەلدەر ۆيرۋستى تەكسەرەتٸن 120 ميلليون قولجەتٸمدٸ, ساپالى جەنە جىلدام ەكسپرەسس-تەست الادى, دەپ حابارلايدى news.un.org.
بۇل تۋرالى بٷگٸن ارنايى بريفينگ بارىسىندا دٷنيەجٷزٸلٸك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋس مەلٸمدەدٸ.
«COVID-19 ۆيرۋسىن نەعۇرلىم تەز انىقتاساق, قاۋٸپتٸ ۆيرۋستى جۇقتىرعان ادامداردى وقشاۋلاۋ جەنە ەمدەۋ شارالارىن سوعۇرلىم تەز قابىلدايمىز», - دەدٸ ول.
ددسۇ باسشىسىنىڭ ايتۋىنشا, تەستٸلەۋدٸڭ جاڭا ەدٸستەمەسٸ شامامەن 15-20 مينۋت ٸشٸندە سەنٸمدٸ قورىتىندى الۋعا مٷمكٸندٸك بەرەدٸ. بۇل رەتتە جاڭا تەستتٸڭ باعاسى ارزانىراق جەنە كٷردەلٸ تەحنيكالىق جابدىقتىڭ بولۋىن قاجەت ەتپەيدٸ.
«بۇل تەستٸلەۋدٸ مەديتسينالىق زەرتحانالارى مەن دايىن ماماندارى جوق اۋدانداردا كەڭەيتۋگە جول اشادى», - دەپ اتاپ ٶتتٸ تەدروس ادحانوم گەبرەيەسۋس.
قازٸرگٸ كەزدە بٸر ەكسپرەسس-تەستتٸڭ باعاسى شامامەن بەس اقش دوللارىن قۇرايدى. بۇل بۇعان دەيٸن شىعارىلعان تەستٸلەردەن ەلدەقايدا ارزان. ددسۇ الداعى ۋاقىتتا باعا ودان ەلٸ دە تٶمەندەيدٸ دەگەن بولجام جاساپ وتىر.
ددسۇ باسشىسى 120 ميلليون تەستٸنٸ جەتكٸزۋ تۋرالى كەلٸسٸمگە ٶندٸرۋشٸ كومپانييالار مەن بيلل جەنە مەليندا گەيتس قورى قول قويعانىن مەلٸمدەدٸ.
«رەسمي تٷردە راستالعان كەلٸسٸم بار, جوبا قارجىلاندىرۋ باستالدى, ەندٸ بۇل تەستٸلەردٸ تولىق كٶلەمدە ساتىپ الۋعا قاجەتتٸ سومانى جيناۋ كەرەك», - دەدٸ ول.
