DAZN ستريمينگ سەرۆيسٸنٸڭ اتقارۋشى ديرەكتورى دجون سكيپپەر ورتا سالماقتاعى WBA (Super)/IBF چەمپيونى «كانەلونىڭ» 14 قىركٷيەكتە گولوۆكينمەن جەكپە-جەك ٶتكٸزۋدەن باس تارتۋىنا قاتىستى پٸكٸرٸن بٶلٸستٸ, دەپ حابارلايدى Sports.kz پورتالى.
كٶپشٸلٸك «كانەلو» قىركٷيەكتە گەنناديي گولوۆكينمەن جەكپە-جەك ٶتكٸزەدٸ دەپ كٷتكەن بولاتىن. بٸراق مەكسيكالىق بوكسشى «ٷزدٸك قارسىلاس ٸزدەيتٸنٸن» ايتىپ, رينگكە ورالاتىن كٷنٸن كەيٸنگە قالدىردى.
«جىلدىق كەستەنٸ جانكٷيەرلەگە جاعىمدى ەتٸپ قۇرۋ ٷستٸندە جۇمىس ٸستەپ كەلەمٸز. 2019 جىلعى كٷنتٸزبەنٸ ناقتىلاي الماي جاتىپ, بولاشاق جوسپارلار جايلى ايتساق, اسىعىستىق بولار ەدٸ. «كانەلو» DAZN ٷشٸن اسا ماڭىزدى. ونىڭ بٸزدٸڭ پلاتفورمادا ٶتكٸزگەن العاشقى ەكٸ جەكپە-جەگٸ جازىلۋشىلار سانىن مەيلٸنشە ارتتىردى. كەيٸنٸرەك بولسا دا, بيىل جەكپە-جەك ٶتكٸزگەنٸن كٶرسەك, قۋانار ەدٸك», — دەدٸ سكيپپەر.
