العاشقى قۇرىلتاي سايلاۋىنىڭ اياقتالۋىنا نەبەرٸ بٸر ساعات قالدى. سوعان قاراماستان سايلاۋ ۋچاسكەلەرٸندەگٸ ادام لەگٸ ەلٸ دە تولاستار ەمەس. بٸرٸ جۇمىستان كەيٸن كەلسە, ەندٸ بٸرٸ ۋچاسكە جابىلعانعا دەيٸن داۋىس بەرٸپ ٷلگەرۋگە اسىعىپ جاتىر. ساعات 19:00-گە قاراي دا سايلاۋشىلار لەگٸ ەلٸ دە جالعاسىپ وتىر.
كٷنٸ بويى تٷرلٸ بۋىن ٶكٸلدەرٸ بەلسەندٸلٸك تانىتتى. جاستار مەن ورتا جاستاعى ازاماتتارمەن قاتار اعا بۋىن ٶكٸلدەرٸ دە ٶز تاڭداۋىن جاسادى. ولاردىڭ اراسىندا 116 جاستاعى سايلاۋشى مەن 105 جاستاعى سوعىس ارداگەرٸ بار. داۋىس بەرۋگە مٷگەدەكتٸگٸ بار ازاماتتار, ونىڭ ٸشٸندە اربامەن قوزعالاتىن سايلاۋشىلار دا كەلدٸ.
سايلاۋ ۋچاسكەلەرٸنەن ەرەكشە وقيعالار دا ەلٸ دە تٸركەلٸپ جاتىر. الاتاۋ قالاسىندا جاس وتباسى الدىمەن داۋىس بەرٸپ, كەيٸن ەكٸنشٸ سەبيٸن كٷتٸپ جٷرگەن ەرلٸ-زايىپتىلار دەل سول سايلاۋ ۋچاسكەسٸندە گەندەر-پاتي ٶتكٸزدٸ. ال شىعىس قازاقستاندا شقتۋ رەكتورى داۋىس بەرۋگە جٷرگٸزۋشٸسٸز ەلەكتروموبيلمەن كەلدٸ.
سايلاۋ قازاقستاننان تىس جەرلەردە دە جالعاسىپ جاتىر. سىرتقى ٸستەر مينيسترلٸگٸنٸڭ مەلٸمەتٸنشە, شەتەلدە 78 سايلاۋ ۋچاسكەسٸ اشىلعان. وسى ۋاقىتقا دەيٸن ولاردا 4378 ادام داۋىس بەرگەن.
ال بٸرقاتار شەتەلدٸك سايلاۋ ۋچاسكەلەرٸ جۇمىسىن اياقتاپ تا ٷلگەردٸ. ولاردىڭ قاتارىندا وڭتٷستٸك كورەيا, جاپونييا, قىتاي, سينگاپۋر, مالايزييا, موڭعولييا, يندونەزييا, تايلاند جەنە ۆەتنامداعى سايلاۋ ۋچاسكەلەرٸ بار.
