فوتو: اشىق دەرەككٶز
قازاقستاندىق شابۋىلشى ەلەم فۋتبولىنداعى ەڭ ٷزدٸك 50 جاس تالانتتىڭ قاتارىنا ەندٸ, دەپ حابارلايدى Ult.kz.
اتاپ ايتقاندا, الماتىلىق «قايرات» كلۋبىنىڭ ويىنشىسى داستان سەتپاەۆ NXGN 2026 رەيتينگٸندە 43-ساتىعا ورنالاستى. ماقالا اۆتورىنىڭ پٸكٸرٸنشە, قازاقستاننان شىققان اتاقتى فۋتبولشىلار بٸردەن ەسكە تٷسە بەرمەگەنٸمەن, سەتپاەۆ بۇل تٷسٸنٸكتٸ ٶزگەرتۋگە جاقىن. ول ەلەم جانكٷيەرلەرٸنە ٶز ەلٸنەن دە جارقىن جۇلدىز شىعاتىنىن دەلەلدەپ كەلەدٸ.
17 جاستاعى شابۋىلشى «قايرات» ساپىندا كٶزگە تٷسٸپ, اعىلشىننىڭ «چەلسي» كلۋبىنىڭ نازارىن اۋدارعان. كلۋب ونى جازدا «ستەمفورد بريدجگە» اۋىستىرۋ ٷشٸن شامامەن 4 ميلليون ەۋروعا كەلٸسٸم جاساعانى ايتىلادى.
سونداي-اق باسىلىم سەتپاەۆتىڭ چەمپيوندار ليگاسىندا گول سوققان ەڭ جاس فۋتبولشىلاردىڭ بٸرٸ ەكەنٸن اتاپ ٶتەدٸ. بۇل كٶرسەتكٸش بويىنشا ونى تەك انسۋ فاتي مەن لامين يامال عانا باسىپ وزعان. بۇدان بٶلەك, ول قازاقستان ۇلتتىق قۇراماسى تاريحىنداعى ەڭ جاس دەبيۋتانت ەرٸ گول اۆتورى سانالادى.
ەسكە سالايىق, Goal نۇسقاسى بويىنشا ەلەمنٸڭ ٷزدٸك جاس فۋتبولشىلارىنىڭ العاشقى ٷشتٸگٸنە «بارسەلونا» ويىنشىسى لامين يامال, «چەلسي» كلۋبىنىڭ ٶكٸلٸ ەستەۆان جەنە كاتالوندىق كلۋب قورعاۋشىسى پاۋ كۋبارسي كٸرگەن.
باسىلىم سەتپاەۆتىڭ ويىن ستيلٸنە دە توقتالىپ, ونى شابۋىلدى اياقتاۋ شەبەرلٸگٸ تۇرعىسىنان سەرحيو اگۋەروعا ۇقساتاتىنىن جازادى. 2025 جىلعى قازاقستان چەمپيوناتىندا ول 14 گول سوعىپ, 7 نەتيجەلٸ پاس بەرگەن. ەندٸ ونىڭ BlueCo جٷيەسٸنە ٶتكەننەن كەيٸن جاڭا دەڭگەيگە قالاي بەيٸمدەلەتٸنٸ قىزىعۋشىلىق تۋدىرىپ وتىر.
