تٷركٸستان قالاسىندا بيىل باسپانا كەزەگٸندە تۇرعان 700-گە جۋىق وتباسىنا ەلەۋمەتتٸك باسپانا بەرٸلەدٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
شاھاردىڭ جاڭا اۋدانىندا بوي كٶتەرگەن 9 قاباتتى بەس تۇرعىن ٷيگە 5 مىڭعا جۋىق ادام كٶشٸپ كەلەدٸ. قازاقستان رەسپۋبليكاسىنىڭ تەۋەلسٸزدٸگٸ كٷنٸ مەرەكەسٸ قارساڭىندا تٷركٸستان وبلىسىنىڭ ەكٸمٸ دارحان ساتىبالدى 20 وتباسىنا پەتەر كٸلتٸن تاپسىرىپ, قۋانىشتارىمەن بٶلٸستٸ.
«تەۋەلسٸزدٸكتٸڭ ارقاسىندا مەملەكەتٸمٸز تۇراقتى دامۋ جولىندا. رۋحاني استانامىز تٷركٸستان قالاسى وبلىس ورتالىعى رەتٸندە ٶركەندەۋدٸڭ جاڭا ساتىسىنا ٶتتٸ. مەملەكەت باسشىسى قاسىم-جومارت توقاەۆتىڭ باستاماسىمەن قالاعا ەرەكشە مەرتەبە بەرۋ كٶزدەلۋدە. سونىمەن بٸرگە پرەزيدەنتٸمٸز ٶز جولداۋلارى مەن تاپسىرمالارىندا حالىقتى باسپانامەن قامتۋ باعىتىنداعى جۇمىستى جانداندىرۋدى تاپسىرعان بولاتىن. مٸنە, وسى باعىتتا جۇمىس جٷرٸپ جاتىر. بٷگٸن تٷركٸستان قالاسىندا 20 وتباسى, ياعني 100-گە جۋىق ادام كٶپتەن كٷتكەن پەتەرلەرٸنە قول جەتكٸزٸپ, قونىس تويىن تويلاۋعا مٷمكٸندٸك الادى. جالپى, جىل سوڭىنا دەيٸن ەلەۋمەتتٸك توپتار بويىنشا كەزەكتە تۇرعان 700-گە جۋىق ادامعا پەتەر كٸلتٸن تاپسىرۋ جوسپارلانعان. مەملەكەت باسشىسىنىڭ تاپسىرماسىمەن جٷزەگە اسىرىلىپ جاتقان تٷرلٸ باعدارلامالار حالىقتىڭ باسپانا جەنە جۇمىسپەن قامتىلۋىنا باعىتتالعان. بٷگٸنگٸ قونىس تويى – سونىڭ ايعاعى», – دەدٸ دارحان ساتىبالدى.
قونىس تويىن تويلاپ جاتقانداردىڭ اراسىندا ەرەكشە قاجەتتٸلٸكتەرٸ بار بالالاردى تەربيەلەپ وتىرعان وتباسىلار, تولىق ەمەس وتباسىلار, مٷگەدەكتەر, جەتٸم بالالار, زەينەتكەرلەر, كٶپبالالى وتباسىلار, بيۋدجەتتٸك ۇيىمداردىڭ قىزمەتكەرلەرٸ جەنە تاعى باسقالار بار.
بيىل تٷركٸستان كالاسى بويىنشا جالپى كٶلەمٸ 200 مىڭ شارشى مەتردەن اساتىن 51 كٶپقاباتتى تۇرعىن ٷيدٸ پايدالانۋعا بەرۋ جوسپارلانعان. بۇل دەگەنٸمٸز, 3296 پەتەر, ونىڭ ٸشٸندە ارەندالىق 709 پەتەر يەسٸ باسپانالى بولادى دەگەن سٶز. ال, 2023 جىلى 62 ٷي سالىنىپ, تاعى 4202 پەتەر يەسٸ قونىس تويىن تويلايدى. ولاردىڭ باسىم بٶلٸگٸ
«7-20-25» جەنە «باقىتتى وتباسى» مەملەكەتتٸك باعدارلامالارى ارقىلى باسپانالى بولادى.
