جەكەمەنشٸك مەكتەپ سالۋدان تٷركٸستان وبلىسىنداعى سايرام اۋدانى كٶش باستاپ تۇر. اقسۋكەنت اۋىلىندا بٷگٸن 1200 ورىندىق جاڭا مەكتەپ اشىلدى. بۇل – بٸر عانا سايرام اۋدانىندا جەكە كەسٸپكەرلەر تاراپىنان 7 ايدا سالىنعان 7-شٸ مەكتەپ. بۇدان بٶلەك, مانكەنت اۋىلىندا 600 ورىندىق جاڭا مەكتەپتٸڭ قۇرىلىسى جٷرٸپ جاتىر. بۇل تۋرالى سايرامدىقتارمەن كەزدەسكەن تٷركٸستان وبلىسىنىڭ ەكٸمٸ دارحان ساتىبالدى مەلٸم ەتتٸ.
ايقىنداعان مٸندەتتەر مەن جوسپارلاردى بايانداعان وبلىس باسشىسى «مەملەكەت باسشىسى جٷكتەگەن جاۋاپكەرشٸلٸكتەردٸ سەزٸنٸپ, بارلىق باستامالاردى لايىقتى جٷزەگە اسىرۋعا مٸندەتتٸمٸز», دەدٸ. تۇرعىندار كٶتەرگەن ۇسىنىستاردىڭ ورىندالۋ بارىسىن باياندادى. ولار كەزەڭ-كەزەڭٸمەن شەشٸمٸن تابۋدا.
«تٷركٸستان وبلىسىنداعى ەڭ ٸرٸ اۋدانداردىڭ بٸرٸ سايرامنىڭ ەلەۋمەتتٸك - ەكونوميكالىق دامۋىنا ەرەكشە كٶڭٸل بٶلٸنگەن. اۋىلداردى دامىتۋعا باستى باسىمدىق بەرٸلەدٸ. جاڭا عانا مەن اۋداندا سالىنعان جاڭا مەكتەپتٸڭ اشىلۋىندا بولدىم. جەكەمەنشٸك مەكتەپ سالۋدان سايرام كٶش باستاپ تۇر. بۇل – ٷلگٸلٸ ٸس. مەكتەپ تاپشىلىعىن شەشۋ ٷشٸن بيىل وبلىستا 59 جاڭا مەكتەپ سالىنىپ جاتىر. مەملەكەت باسشىسىنىڭ ارنايى تاپسىرماسى اياسىندا «جايلى مەكتەپ» پيلوتتىق ۇلتتىق جوباسى اياسىندا جاڭا فورماتتاعى 86 مەكتەپ سالىنادى. وندا 60 مىڭ بالا بٸلٸم الاتىن بولادى. بۇدان بٶلەك, مانكەنت ەلدٸ مەكەنٸندە, اقسۋ, اقبۇلاق اۋىلدارىندا 3 جاڭا 600 ورىندىق مەكتەپتەردٸڭ قۇرىلىسى جوسپارلانۋدا», – دەدٸ وبلىس باسشىسى ەسەپتٸك كەزدەسۋٸندە.
اۋدانداعى «اقسۋ-مانكەنت-جٸبەك-جولى» اۆتوموبيل جولدارىنا جالپى قۇنى 1,5 ملرد. تەڭگەنٸ قۇرايتىن كٷردەلٸ جٶندەۋ جۇمىستارى قولعا الىنعان. كٶپقاباتتى تۇرعىن ٷيلەردٸڭ كەرٸز جٷيەلەرٸ جاڭارتىلادى. «اۋىل – ەل بەسٸگٸ» جوباسى اياسىندا بيىل سايرام اۋدانىنداعى 7 ەلدٸ مەكەندە جالپى قۇنى 1,1 ملرد. تەڭگە قۇرايتىن 7 جوبا ٸسكە اسىرىلۋدا. ينجەنەرلٸك ينفراقۇرىلىم جٷيەسٸن دامىتۋ ٷشٸن اۋداندا 7 بيۋدجەتتٸك ينۆەستيتسييالىق جوبا جٷزەگە اسىرىلىپ جاتىر.
اۋدان تۇرعىندارىنىڭ 220 مىڭنان استامى اۋىز سۋمەن قامتىلسا, ال 80%-عا جۋىعى تابيعي گازبەن قامتىلعان. التى اۋىلدا ورتالىقتاندىرىلعان گازبەن قامتۋ بويىنشا جالپى قۇنى 5,1 ملرد. تەڭگەنٸ قۇرايتىن 4 جوبا جوبا جٷزەگە اسىرىلۋدا.
اۋداندىق ماڭىزى بار 6 جولدى جەنە 2 كٶپٸردٸ كٷردەلٸ جٶندەۋ جۇمىستارىنا 2,4 ملرد. تەڭگە بٶلٸندٸ. بيىل اۋداندا مەملەكەتتٸك قولداۋىمەن 4 مىڭنان استام ادام جۇمىسقا ورنالاستى. حالىقتىڭ تابىسىن ارتتىرۋعا باعىتتالعان جۇمىستار ارى قاراي دا جالعاسىن تابادى.
سايرامدىقتارمەن ەركٸن پٸكٸر الماسىپ, ٶتٸنٸشتەر مەن سۇراقتارعا جاۋاپ بەرگەن وبلىس ەكٸمٸ دارحان ساتىبالدى بارلىق مەسەلەنٸڭ زاڭ اياسىندا جٷزەگە اساتىنىن اتاپ ٶتتٸ. تۇرعىنداردى جەكە مەسەلەلەرٸ بويىنشا قابىلدادى.
سايرام اۋدانىنا جۇمىس ساپارى بارىسىندا وبلىس ەكٸمٸ جەكە كەسٸپكەر ن.سۋلايمانوۆ سالعان 1200 ورىندىق مەكتەپتٸڭ اشىلۋىنا قاتىستى. ينۆەستور سايرامدا بٸر جىلدا 7 مەكتەپ سالعان. تاعى التى مەكتەپ قۇرىلىسىن باستاۋعا دايىن. وبلىس ەكٸمٸ دارحان ساتىبالدى جاڭادان اشىلعان بٸلٸم ۇياسىمەن تانىسىپ, مەكتەپ الدىنا اعاش وتىرعىزدى.
وبلىس باسشىسى سٷت ٶنٸمدەرٸن ٶندٸرەتٸن «Aykan» جشس-نٸڭ جۇمىسىمەن تانىستى. كەسٸپورىندا سٷت سارىسۋىنان ٶندٸرٸستە قولداناتىن ۇنتاق شىعاراتىن جاڭا تەحنولوگييا ٸسكە قوسىلدى. بۇل – قازاقستاندا بالاماسى جوق قالدىقسىز ٶندٸرٸس.
اۋىل شارۋاشىلىعى ٶنٸمدەرٸنٸڭ جەرمەڭكەسٸمەن تانىسقان وبلىس ەكٸمٸ دارحان ساتىبالدى اۋداننىڭ شارۋالارىمەن جٷزدەستٸ. ديقاندار جىلىنا بٸرنەشە ٶنٸم الۋدىڭ سىرىمەن بٶلٸسٸپ, مەملەكەت تاراپىنان بەرٸلەتٸن كٶمەكتٸڭ ارتقانىنا العىستارىن ايتتى. اۋداندا ٶندٸرٸلەتٸن ٶنٸمدەردٸڭ كٶرمەسٸنە قاتىسقان وبلىس ەكٸمٸ مەملەكەتتٸك گرانت الىپ, كەسٸبٸن باستاعان ازاماتتارمەن كەزدەستٸ.
ايماق باسشىسى سونداي-اق 10 مىڭنان استام مال باسىنا ارنالعان مال بورداقىلايتىن فەرما مەن ەت ٶڭدەيتٸن تسەحتا بولدى. 56 گەكتار جەردە ورنالاسقان ٶندٸرٸس ورنى جىلىنا 5 مىڭ توننا ەت ٶندٸرەدٸ. 1 مىڭ تونناعا جۋىق ەت كٶرشٸ ەلدەرگە ەسكپورتتالادى. بٷگٸن مۇندا تٷركييادان ارنايى الدىرىلعان جاڭا تەحنولوگييا ٸسكە قوسىلدى.
