تٷركٸستان وبلىسىنىڭ ەكٸمٸ دارحان ساتىبالدى تٷركييانىڭ يزنيك قالاسىندا ٶتكەن IV دٷنيەجٷزٸلٸك كٶشپەندٸلەر ويىندارىنىڭ چەمپيوندارى مەن جٷلدەگەرلەرٸن قابىلدادى, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
دٷبٸرلٸ دودادا ەل نامىسىن قورعاعان جٷلدەگەرلەردٸڭ جەڭٸسٸن جوعارى باعالاعان ايماق باسشىسى وڭتٷستٸك ٶڭٸرٸنٸڭ سپورتشىلارىنا قارجىلاي سەرتيفيكات پەن وبلىس قۇراما كومانداسىنىڭ بٸرىڭعاي فورماسىن تابىستادى.
«سٸزدەر تٷركٸستان وبلىسىنىڭ عانا ەمەس, كٷللٸ قازاق ەلٸنٸڭ اتىن شىعارىپ جٷرسٸزدەر. كٶكپاردان بٸرٸنشٸ ورىن العاندارىڭىزدى ەستٸپ, ەڭسەمٸز كٶتەرٸلٸپ قالدى. جەڭٸس قۇتتى بولسىن! جالپى بۇرىن قازاقتىڭ ٶمٸر سالتىنىڭ ٶزٸ سپورتقا نەگٸزدەلگەن عوي. ات سپورتى, جەكپە-جەك تٷرلەرٸنەن مىقتى سپورتشىلارىمىز كٶپ. جامبى اتۋدان جٷلدە العان باۋىرىمىزدىڭ دا جەتٸستٸگٸ قۋانتادى. ٶتە قيىن سپورت تٷرٸنەن ەكٸ مەدال ەنشٸلەپ وتىر. ۇلتتىق سپورتتى ۇلىقتاعان بارشا جٷلدەگەرلەردٸ شىن جٷرەكتەن قۇتتىقتايمىن! جۋىردا عانا قازاق دالاسىن دٷبٸرگە بٶلەگەن «ۇلى دالا جورىعى» مارافون-بەيگەسٸندە دە تٷركٸستان وبلىسىنىڭ سپورتشىلارى 3-ورىندى يەمدەندٸ. بٸز سپورت سالاسىن ەردايىم قولدايمىز. كەلەسٸ دٷنيەجٷزٸلٸك كٶشپەندٸلەر ويىندارىن تٷركٸستان وبلىسىندا ٶتكٸزۋگە ۇسىنىس بەرٸپ جاتىرمىز. بايراقتى بەسەكەلەردٸ قابىلداۋ ارقىلى ەلدٸڭ ابىرويى كٶتەرٸلەدٸ», – دەگەن دارحان ساتىبالدى جاتتىقتىرۋشىلار مەن سپورتشىلاردىڭ ۇسىنىستارى مەن تٸلەكتەرٸن تىڭدادى.
كٶشپەندٸلەر ويىندارىندا كٶكپار سپورتى بويىنشا قازاقستان قۇراما كومانداسى 1-ورىندى جەڭٸپ العان بولاتىن. قۇراما ساپىندا ارمان جامالبەكوۆ, ابىلايحان نىشانبەكوۆ, دەۋلەت ايتان جەنە ەدٸلەت مامىت سىندى تٷركٸستان وبلىسىنىڭ 4 سپورتشىسى جەڭٸستٸ سەتتٸ جاقىنداتۋعا ەسەلٸ ٷلەس قوستى. ال ەرالحان ايكٶز جامبى اتۋدىڭ تٷرٸك ستيلٸ بويىنشا «قاباق» اتۋدان – ەكٸنشٸ ورىن, «تابلا» اتۋدان ٷشٸنشٸ ورىنعا يە بولدى.
ايتا كەتەيٸك, كٶشپەندٸلەر ويىنىنا ەلەمنٸڭ 102 ەلٸنەن 3 مىڭنان استام سپورتشى قاتىسقان. قازاقستاننىڭ اتىنان 50 سپورتشى كٶكپار, قازاق كٷرەسٸ, دەستٷرلٸ ساداق اتۋ, جامبى اتۋ, كٶك بٶرٸ سپورت تٷرلەرٸنەن باق سىنادى.
