تٷركٸستان وبلىسىنىڭ ەكٸمٸ دارحان ساتىبالدى شاردارا اۋدانى تۇرعىندارىمەن كەزدەستٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
جٷزدەسۋدە تۇرعىندار تاراپىنان ينفراقۇرىلىمدى جاقسارتۋ, مەكتەپ تاپشىلىعى, جول, كانالداردى جٶندەۋ, ەلەكتر مەسەلەلەرٸ باعىتىندا سۇراقتار قويىلىپ, ٶتٸنٸشتەر ايتىلدى. ەر تۇرعىننىڭ مەسەلەسٸ ماڭىزدى ەكەنٸن ايتقان ٶڭٸر باسشىسى شاردارانى دامىتۋ بويىنشا اتقارىلعان جۇمىستارعا توقتالىپ, الداعى جوسپارلاردى باياندادى.
«بٸزدٸڭ ماقساتىمىز – سٸزدەرمەن ەركٸن پٸكٸر الماسىپ, ماڭىزدى مەسەلەلەردٸ تالقىلاۋ. سەبەبٸ ايماقتىڭ پروبلەمالارىن سٸزدەر جاقسى بٸلەسٸزدەر. شاردارا – وبلىستىڭ وڭتٷستٸك بٶلٸگٸندەگٸ دامىپ كەلە جاتقان اۋدان. ەلەۋەتٸ ٶتە جوعارى. مۇندا جاعاجاي تۋريزمٸن, اۋىل شارۋاشىلىعى مەن كەسٸپكەرلٸكتٸ دامىتۋعا مٷمكٸندٸك مول. شاردارا قالاسىندا كەرٸز جٷيەلەرٸنٸڭ قۇرىلىسى جٷرگٸزٸلۋدە. اۋداندى, اۋىلداردى دامىتۋ جۇمىستارى جاڭا قارقىنمەن جالعاسىن تاباتىن بولادى. مەنٸمەن بٸرگە قۇقىق قورعاۋ ورگاندارى مەن دەپارتامەنتتەر, باسقارمالار باسشىلارى سٸزدەردٸ تىڭداۋ ٷشٸن تٷگەل كەلٸپ وتىر. سۇراق, ارىز- شاعىم, ٶتٸنٸشتەر قابىلدانادى. بٸز ٷشٸن ەر تۇرعىننىڭ ٶتٸنٸشٸ ماڭىزدى», – دەدٸ دارحان ساتىبالدى.
جەكە جەنە بٸرٸڭعاي قابىلداۋدا دا تۇرعىندار تاراپىنان ٶزەكتٸ مەسەلەلەر قوزعالدى. ٶڭٸر باسشىسى ەربٸر ۇسىنىس پەن ٶتٸنٸش حاتتاماعا ەنگٸزٸلٸپ, تيٸستٸ جۇمىس جٷرەتٸنٸن ايتتى. كەزدەسۋگە قۇقىق قورعاۋ ورگاندارى مەن باسقارما, دەپارتامەنت باسشىلارى دا قاتىسىپ, ەلدٸڭ ارىز-شاعىمى مەن ٶتٸنٸشتەرٸن تىڭدادى. اشىق پٸكٸر الماسۋ ٶتٸپ, كٷردەلٸ تٷيتكٸلدەردٸڭ تٷيٸنٸ تارقاتىلدى. جٷزدەن استام تۇرعىن باسشىلارمەن ەركٸن پٸكٸر الماسىپ, كٶكەيدەگٸ ويلارىن, ۇسىنىستارىن جەتكٸزە الدى.
بٷگٸندە شاردارا اۋدانىنىڭ ينجەنەرلٸك ينفراقۇرىلىم جٷيەسٸن دامىتۋ ماقساتىندا 13 بيۋدجەتتٸك ينۆەستيتسييالىق جوبا جٷزەگە اسىرىلىپ جاتىر. شاردارا اۋدانىن ورتالىقتاندىرىلعان گازبەن قامتۋ بويىنشا 6 جوبا ٸسكە اسىرىلۋدا. وعان 3,9 ملرد. تەڭگە بٶلٸندٸ, كەلەسٸ جىلى پايدالانۋعا بەرۋ جوسپارلانۋدا.
حالىقتىڭ تابىسىن ارتتىرۋ ٷشٸن «تٷركٸستان وبلىسى بويىنشا جۇمىسپەن قامتۋ كارتاسى» بەكٸتٸلگەن. بيىلدىڭ ٶزٸندە شاردارادا 897 جۇمىس ورنىن اشۋ جوسپارلانسا, قازٸرگٸ تاڭعا 832 ورىن اشىلدى. «ەڭبەك» باعىتى بويىنشا اۋداندا 9 ايدىڭ قورىتىندىسىمەن 2893 ادام جۇمىسپەن قامتىلدى. سونىمەن قاتار مەملەكەت باسشىسىنىڭ «10 مىڭ تۇرعىنعا 100 تۇراقتى جۇمىس ورىندارىن اشۋ» جٶنٸندەگٸ تاپسىرماسىنا سەيكەس, اۋداننىڭ ەكونوميكالىق بەلسەندٸ حالىق سانىنا قاراي 423 جاڭا جۇمىس ورنىن اشۋ جوسپارلانىپ, 607-ٸ اشىلعان.
ەگٸنشٸلٸكتە پايدالاناتىن تىڭايتقىشتىڭ ەرەكشە تٷرٸن شىعارۋمەن اينالىساتىن شاردارا اۋدانىنىڭ جاس كەسٸپكەرلەرٸ تٷركٸستان وبلىسىنىڭ ەكٸمٸ دارحان ساتىبالدىدان بيزنەستەرٸنە قولداۋ بٸلدٸرۋدٸ سۇرادى. شىلاۋشىن ٶسٸرٸپ, ونى ەگٸن شارۋاشىلىعىندا پايدالانۋدىڭ جولىن تاپقاندار مەملەكەتتٸك گرانت الىپ, بيزنەس باستاعان. ەندٸ ونى دامىتۋدى كٶزدەيدٸ.
شاردارا اۋدانىندا جۇمىس ساپارىمەن بارعان تٷركٸستان وبلىسىنىڭ ەكٸمٸ مەملەكەت قولداۋىمەن جەڭٸلدٸكتەر ارقىلى ٶز كەسٸبٸن جٷرگٸزٸپ وتىرعان كەسٸپكەرلەردٸڭ تاۋار كٶرمەسٸندە بولدى. جاڭا بيزنەستٸڭ كٶزٸن تاپقان ازاماتتارمەن تٸلدەستٸ. وبلىس باسشىسى كەسٸپكەرلەرگە قولداۋ كٶرسەتۋ جولدارىن قاراستىرۋدى تيٸستٸ سالا باسشىلارىنا تاپسىردى.
وبلىس باسشىسى «حاميت» اٶك بالىق ٶڭدەۋ زاۋىتىنىڭ جۇمىسىمەن تانىستى. بۇل زاۋىتتىڭ بالىق ٶنٸمدەرٸنٸڭ 90 پايىزى شەتەلگە ەكسپورتتالىپ جاتىر. مەملەكەتتٸك باعدارلامالار ارقىلى جەڭٸلدەتٸلگەن نەسيەلەر العان. 250 ادام جۇمىسپەن قامتىلعان. بالىق شارۋاشىلىعىن ودان ەرٸ دامىتۋ مەسەلەسٸنە توقتالعان وبلىس ەكٸمٸ وسى سالانى دامىتۋ ماڭىزدى ەكەنٸن ايتتى.
سونداي - اق اۋدانعا جۇمىس ساپارىندا ٶڭٸر باسشىسى شاردارا قالاسىنداعى جەدەل جەردەم ستانتسيياسى بار 150 ورىنعا ارنالعان اۋداندىق ەمحاناعا بارىپ, قۇرىلىس بارىسىمەن تانىستى. نىسان بيىل ەل يگٸلٸگٸنە بەرٸلەدٸ.
