2022-2023 وقۋ جىلىندا تٷركٸستان وبلىسىنداعى ورتا بٸلٸم بەرۋ ۇيىمدارى «BilimLand.kz» تسيفرلىق بٸلٸم بەرۋ پلاتفورماسىنا قوسىلۋى مٷمكٸن. بٸلٸم ساپاسىن ارتتىرۋعا باعىتتالعان وقۋشىلار مەن مۇعالٸمدەرگە ارنالعان جٷيەگە 100% تەگٸن قوسىلماق. تسيفرلىق بٸلٸم بەرۋ پلاتفورماسى تٷركٸستان وبلىسىنىڭ ەكٸمٸ دارحان ساتىبالدىعا تانىستىرىلدى.
«جاڭا جٷيە ەنگٸزٸلگەن جاعدايدا «Bilim Land» جۇمىسىن مەملەكەتتٸك- جەكەشەلٸك ەرٸپتەستٸك اياسىندا جٷزەگە اسىرادى. ول ارقىلى 37 پەن بويىنشا 25 مىڭعا جۋىق ساباقتار, 3 مىڭنان اسا ينتەراكتيۆتٸ ساباقتار, مىڭنان اسا عىلىمي فيلمدەر جەنە 70 مىڭنان اسا ۇلتتىق بٸرىڭعاي تەستٸلەۋ تاپسىرمالارىنان تۇراتىن بٸلٸم بەرۋ رەسۋرستارىن وقۋ پروتسەسٸندە قولدانۋعا بولادى. پلاتفورمادا مەكتەپ پەن مۇعالٸمدەردٸڭ رەيتينگٸ شىعارىلادى. بۇل جٷيە بالانىڭ زەيٸنٸ مەن بەيٸمٸن شىڭداپ, ۇستازداردىڭ بٸلٸكتٸلٸگٸن ارتتىراتىن قوسىمشا قۇرالعا اينالادى», دەيدٸ «Bilim Land» جشس-ڭ باسشىلىعى.
وبلىس ەكٸمٸنە بٸلٸم مەكەمەلەرٸنە ەنگٸزٸلەتٸن بۋحگالتەرييا باعدارلاماسى دا تانىستىرىلدى. پيلوتتىق جوبا استانا قالاسى مەن پاۆلودار وبلىسىندا ەنگٸزٸلگەن. جاڭا جٷيەنٸ ەنگٸزۋدەگٸ ماقسات – كٶپشٸلٸك ٷشٸن بٸلٸم سالاسىنداعى قارجىلاندىرۋدىڭ اشىقتىعىن جەنە تيٸمدٸلٸگٸن باقىلاۋدى قامتاماسىز ەتۋ. بۋحگالتەرييانى, كادرلاردى, ەسەپكە الۋ مەن بيۋدجەتتٸ جوسپارلاۋدى اۆتوماتتاندىرۋ سىبايلاس جەمقورلىق تەۋەكەلدەرٸن الدىن الۋعا جەنە قارجىنى تيٸمدٸ پايدالانۋدى ارتتىرۋعا جاعداي جاسايدى.
بٸلٸمنٸڭ ساپاسىن كٶتەرۋدٸڭ اسا ماڭىزدىلىعىن ايتقان وبلىس ەكٸمٸ دارحان ساتىبالدى جاڭا جوبالاردى تولىق زەرتتەپ, زەردەلەۋدٸ تاپسىردى. ٶڭٸردەگٸ ينتەرنەتكە قولجەتٸمدٸلٸكتٸ كٷشەيتۋدٸڭ قاجەتتٸلٸگٸن ايتتى.
«بٸلٸم ساپاسىن كٶتەرۋ – ەڭ ٷلكەن ماقساتىمىز. بۇل باعىتتاعى جۇمىستاردى كٷشەيتەمٸز. ساپالى بٸلٸم بەرۋ – وقىتۋ مەن تەربيەلەۋدٸڭ ٷزدٸكسٸز ٷردٸسٸ. بالانىڭ بويىنداعى بار قابٸلەتٸن كەمەلٸنە كەلتٸرٸپ جەتٸلدٸرۋدە مۇعالٸمنٸڭ رٶلٸ زور. بٸلٸكتٸلٸكتٸ ارتتىرۋ ارقىلى بٸلٸم ساپاسىن كٶتەرۋگە بولادى. بٸزدٸڭ وبلىستا بالا سانى دا, مەكتەپ سانى دا كٶپ. سٸزدەردٸڭ ماقساتتارىڭىز تٷسٸنٸكتٸ. بٸراق بۇل جوبالاردى ەگجەي-تەگجەيلٸ زەرتتەۋ كەرەك. ناقتى شەشٸمدٸ سودان كەيٸن عانا قابىلداۋعا بولادى», – دەدٸ دارحان ساتىبالدى.
تٷركٸستان وبلىسىندا 900-دەن استام مەكتەپ بار. وندا 500 مىڭنان استام بالا بٸلٸم الادى.
