.jpg)
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
الماتىداعى استانا الاڭىندا ناۋرىز مەيرامىنا ارنالعان باستى كونتسەرت ٶتتٸ. بيىل قالا ورتالىعى دەستٷر, زاماناۋي مەدەنيەت پەن تەحنولوگييا توعىسقان بٸرتۇتاس مەرەكەلٸك كەڭٸستٸككە اينالدى.
سالتاناتتى ٸس-شاراعا الماتى قالاسىنىڭ ەكٸمٸ دارحان ساتىبالدى قاتىستى. قالا باسشىسى تۇرعىنداردى قۇتتىقتاي وتىرىپ, ناۋرىزدىڭ جاڭارۋ, بٸرلٸك جەنە ۇرپاق ساباقتاستىعىنىڭ مەرەكەسٸ رەتٸندەگٸ ماڭىزىن اتاپ ٶتتٸ.
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
«جەر جٷزٸ جادىراپ, تابيعات جاڭعىرىپ, كٷن مەن تٷن تەڭەسەتٸن وسىناۋ مەرەكەلٸ كٷنٸ الىستاعى اعايىن جاقىنداپ, جاقىنداعىسى تابىسادى. نيەتٸ تٷزۋ, پەيٸلٸ كەڭ حالقىمىز ەربٸر جاڭا كٷندٸ ايرىقشا ىقىلاسپەن قارسى العان», – دەدٸ دارحان ساتىبالدى.
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
قالا ەكٸمٸ «ناۋرىزناما» ونكٷندٸگٸ اياسىندا ەربٸر كٷننٸڭ ٶزٸندٸك مەنٸ بار ەكەنٸن ايتتى. بۇل كٷندەر ۇلتتىق قۇندىلىقتاردى دەرٸپتەۋگە, مەدەنيەت پەن دەستٷردٸ جاڭعىرتۋعا, سونداي-اق قوعامداعى بٸرلٸك پەن ٶزارا قۇرمەتتٸ نىعايتۋعا باعىتتالعان.
«ەل ەكونوميكاسىنىڭ درايۆەرٸ, اسپان تاۋلار باۋىرىنداعى الىپ شاھارىمىز – الماتى قالاسى دا ٶسٸپ-ٶركەندەپ, كٶركەيٸپ كەلەدٸ. الماتىنى دامىتۋ باعدارلاماسى اياسىندا قالا ينفراقۇرىلىمى جاڭارتىلىپ, تۇرعىن ٷيلەر, ەلەۋمەتتٸك ماڭىزى بار عيماراتتار مەن كٶشەلەر جٶندەلٸپ, جولدار سالىنۋدا. بٸزدٸڭ ەڭ باستى ماقساتىمىز – تۇرعىندار مەن قوناقتار ٷشٸن ىڭعايلى, جارقىن ەرٸ ٶمٸر سٷرۋگە قولايلى قوعامدىق ورتا قالىپتاستىرۋ.», – دەدٸ قالا ەكٸمٸ.
كونتسەرتتٸك باعدارلاما تانىمال قازاقستاندىق ەرتٸستەر مەن شىعارماشىلىق ۇجىمداردىڭ باسىن قوستى. ساحنادا تانىمال ەندەر شىرقالىپ, ۇلتتىق ناقىشتاعى تەاترلاندىرىلعان قويىلىمدار - مەرەكەلٸك كٶڭٸل كٷي مەن كٶكتەمگٸ جاڭارۋ رۋحىن ايشىقتادى.
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
تۇرعىنداردىڭ, ەسٸرەسە, ەگدە جاستاعى ازاماتتاردىڭ قولايلىعى ٷشٸن الاڭدا ارنايى وتىراتىن ورىندار ۇيىمداستىرىلدى.
قالا تۇرعىندارىنىڭ ەرەكشە قىزىعۋشىلىعىن التى تاقىرىپتىق كيٸز ٷيدەن تۇراتىن كٶرمە اۋداردى. ەربٸر كيٸز ٷي تاريحي مۇرادان باستاپ زاماناۋي تەحنولوگيياعا دەيٸنگٸ باعىتتاردى تانىستىردى.
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
بٸرٸنشٸ كيٸز ٷيدە ىقىلاس اتىنداعى حالىق مۋزىكالىق اسپاپتار مۋزەيٸنٸڭ قورىنداعى ۇلتتىق اسپاپتار قويىلدى. ەكٸنشٸ كيٸز ٷي يننوۆاتسييالىق ينتەراكتيۆ الاڭىنا اينالىپ, وندا روبوتتار, دروندار, وقۋشىلاردىڭ ەزٸرلەمەلەرٸ, جاساندى ينتەللەكتكە نەگٸزدەلگەن جوبالار جەنە ۆيرتۋالدى شىندىق ايماعى كٶرسەتٸلدٸ.
ٷشٸنشٸ كيٸز ٷي — «Digital 360 – Welcome to Almaty» مۋلتيمەدييالىق كەڭٸستٸگٸ پانورامالىق پروەكتسييالار مەن تسيفرلىق شەشٸمدەر ارقىلى قالانى تٷرلٸ كەزەڭدەردە تاماشالاۋعا مٷمكٸندٸك بەردٸ. تٶرتٸنشٸ كيٸز ٷيدە كەلۋشٸلەر «التىن ادام» جەنە ارحەولوگييالىق رەكونسترۋكتسييالارمەن تانىستى.
بەسٸنشٸ كيٸز ٷيدە ەتنوديزاين مەن دەستٷرلٸ بٸزكەستەنٸڭ زاماناۋي ٷلگٸلەرٸ ۇسىنىلسا, التىنشى كيٸز ٷي مۋزەي ەكسپوناتتارى نەگٸزٸندە XIX عاسىردىڭ سوڭى مەن XX عاسىردىڭ باسىنداعى قازاق تۇرمىسىنىڭ دەستٷرلٸ كەلبەتٸن قايتا جاڭعىرتتى.
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
جالپى, اۋقىمدى مەرەكەلٸك ٸس-شارالار 23 ناۋرىزعا دەيٸن جالعاسادى. وسى كٷندەرٸ قالا تۇرعىندارى مەن قوناقتارىنا كونتسەرتتەر, تەاترلاندىرىلعان قويىلىمدار, كٶرمەلەر, مەدەنيەت قايراتكەرلەرٸمەن كەزدەسۋلەر جەنە قازاق حالقىنىڭ دەستٷرلٸ سالت-جورالعىلارى ۇسىنىلادى.
