.jpg)
Foto: Almaty qalasy ákimdiginiń baspasóz qyzmeti
Almatydaǵy Astana alańynda Naýryz meiramyna arnalǵan basty kontsert ótti. Biyl qala ortalyǵy dástúr, zamanaýi mádeniet pen tehnologiia toǵysqan birtutas merekelik keńistikke ainaldy.
Saltanatty is-sharaǵa Almaty qalasynyń ákimi Darhan Satybaldy qatysty. Qala basshysy turǵyndardy quttyqtai otyryp, Naýryzdyń jańarý, birlik jáne urpaq sabaqtastyǵynyń merekesi retindegi mańyzyn atap ótti.
Foto: Almaty qalasy ákimdiginiń baspasóz qyzmeti
«Jer júzi jadyrap, tabiǵat jańǵyryp, kún men tún teńesetin osynaý merekeli kúni alystaǵy aǵaiyn jaqyndap, jaqyndaǵysy tabysady. Nieti túzý, peiili keń halqymyz árbir jańa kúndi airyqsha yqylaspen qarsy alǵan», – dedi Darhan Satybaldy.
Foto: Almaty qalasy ákimdiginiń baspasóz qyzmeti
Qala ákimi «Naýryznama» onkúndigi aiasynda árbir kúnniń ózindik máni bar ekenin aitty. Bul kúnder ulttyq qundylyqtardy dáripteýge, mádeniet pen dástúrdi jańǵyrtýǵa, sondai-aq qoǵamdaǵy birlik pen ózara qurmetti nyǵaitýǵa baǵyttalǵan.
«El ekonomikasynyń draiveri, aspan taýlar baýyryndaǵy alyp shaharymyz – Almaty qalasy da ósip-órkendep, kórkeiip keledi. Almatyny damytý baǵdarlamasy aiasynda qala infraqurylymy jańartylyp, turǵyn úiler, áleýmettik mańyzy bar ǵimarattar men kósheler jóndelip, joldar salynýda. Bizdiń eń basty maqsatymyz – turǵyndar men qonaqtar úshin yńǵaily, jarqyn ári ómir súrýge qolaily qoǵamdyq orta qalyptastyrý.», – dedi qala ákimi.
Kontserttik baǵdarlama tanymal qazaqstandyq ártister men shyǵarmashylyq ujymdardyń basyn qosty. Sahnada tanymal ánder shyrqalyp, ulttyq naqyshtaǵy teatrlandyrylǵan qoiylymdar - merekelik kóńil kúi men kóktemgi jańarý rýhyn aishyqtady.
Foto: Almaty qalasy ákimdiginiń baspasóz qyzmeti
Foto: Almaty qalasy ákimdiginiń baspasóz qyzmeti
Turǵyndardyń, ásirese, egde jastaǵy azamattardyń qolailyǵy úshin alańda arnaiy otyratyn oryndar uiymdastyryldy.
Qala turǵyndarynyń erekshe qyzyǵýshylyǵyn alty taqyryptyq kiiz úiden turatyn kórme aýdardy. Árbir kiiz úi tarihi muradan bastap zamanaýi tehnologiiaǵa deiingi baǵyttardy tanystyrdy.
Foto: Almaty qalasy ákimdiginiń baspasóz qyzmeti
Birinshi kiiz úide Yqylas atyndaǵy halyq mýzykalyq aspaptar mýzeiiniń qoryndaǵy ulttyq aspaptar qoiyldy. Ekinshi kiiz úi innovatsiialyq interaktiv alańyna ainalyp, onda robottar, drondar, oqýshylardyń ázirlemeleri, jasandy intellektke negizdelgen jobalar jáne virtýaldy shyndyq aimaǵy kórsetildi.
Úshinshi kiiz úi — «Digital 360 – Welcome to Almaty» mýltimediialyq keńistigi panoramalyq proektsiialar men tsifrlyq sheshimder arqyly qalany túrli kezeńderde tamashalaýǵa múmkindik berdi. Tórtinshi kiiz úide kelýshiler «Altyn adam» jáne arheologiialyq rekonstrýktsiialarmen tanysty.
Besinshi kiiz úide etnodizain men dástúrli bizkesteniń zamanaýi úlgileri usynylsa, altynshy kiiz úi mýzei eksponattary negizinde XIX ǵasyrdyń sońy men XX ǵasyrdyń basyndaǵy qazaq turmysynyń dástúrli kelbetin qaita jańǵyrtty.
Foto: Almaty qalasy ákimdiginiń baspasóz qyzmeti
Jalpy, aýqymdy merekelik is-sharalar 23 naýryzǵa deiin jalǵasady. Osy kúnderi qala turǵyndary men qonaqtaryna kontsertter, teatrlandyrylǵan qoiylymdar, kórmeler, mádeniet qairatkerlerimen kezdesýler jáne qazaq halqynyń dástúrli salt-joralǵylary usynylady.
