رەسەيلٸك وپپوزيتسييالىق ساياساتكەر الەكسەي ناۆالنىيدىڭ 20 جاستاعى قىزى دارييا ناۆالنايا جەنەۆاداعى ادام قۇقىعىنا ارنالعان بەلسەندٸلەر فورۋمىندا سٶيلەدٸ. جىل سايىن بۇۇ-نىڭ ادام قۇقىعى جٶنٸندەگٸ كەڭەسٸنٸڭ كەزەكتٸ سەسسيياسى قارساڭىندا فورۋم ٶتەدٸ. بيىل كەڭەستٸڭ 47-سەسسيياسى جەنەۆادا 21 ماۋسىم مەن 15 شٸلدە ارالىعىندا بولادى.
سەيسەنبٸ كٷنٸ دارييا ناۆالناياعا قاماۋداعى ەكەسٸنە بەرٸلگەن باتىلدىق سىيلىعى تابىس ەتٸلدٸ. ۆيدەومەلٸمدەمەدە الەكسەي ناۆالنىيدىڭ قىزى بىلاي دەدٸ:
"وسىندا مەن ەمەس, ەكەم تۇرۋى تيٸس ەدٸ, بٸراق ول قازٸر رەسەيدە تٷرمەدە قاماۋدا وتىر. ول بٷكٸل ٶمٸرٸن جەمقورلىقپەن كٷرەسكە ارنادى, سٶز بوستاندىعى, ساياسي كٶزقاراستى جەتكٸزۋ, نارازىلىق بٸلدٸرۋ قۇقىعى, سايلاۋعا قاتىسۋ قۇقىعى سيياقتى ادام قۇقىعى مەن ەركٸندٸگٸن قورعاۋعا كٷش سالدى" دەدٸ ناۆالنايا. ونىڭ سٶزٸنە قاراعاندا, مۇنداي ماڭىزدى قۇندىلىقتار رەسەيدە جوق.
فورۋم ۇيىمداستىرۋشىلارى الەكسەي ناۆالنىيدىڭ ەرٸپتەسٸ لەونيد ۆولكوۆقا جٸبەرگەن حاتىندا وپپوزيتسيونەرگە سىيلىقتى "ەدٸلەت پەن ادام قۇقىعىن قورعاۋدا كەرەمەت باتىلدىق تانىتقانى ٷشٸن" بەرٸپ وتىرعانىن اتاپ ٶتكەن.
- بىلتىر تامىز ايىندا ناۆالنىي ۋلانۋ بەلگٸلەرٸ بويىنشا ومبى اۋرۋحاناسىنا تٷسٸپ, كەيٸن گەرمانيياعا ەمدەۋگە جٸبەرٸلدٸ.
- نەمٸس زەرتحاناسىنىڭ ساراپشىلارى وپپوزيتسيونەردٸڭ اعزاسىنان "نوۆيچوك" توبىنا جاتاتىن ۋدىڭ ٸزدەرٸن تاپتى. رەسەي بيلٸگٸ ناۆالنىيدىڭ ۋلانعانىن جەنە ٶزدەرٸنٸڭ ۋلاۋعا قاتىسىن جوققا شىعارادى.
- بيىل 17 قاڭتاردا ناۆالنىي گەرمانييادان رەسەيگە ورالدى. شەرەمەتەۆو ەۋەجايىندا ونى پوليتسييا ۇستادى. فسين ناۆالنىيدىڭ "يۆ روشە" ٸسٸ بويىنشا العان شارتتى جازا ەرەجەلەرٸن بۇزدى دەپ مەلٸمدەپ, ونى تٷرمەگە جٸبەرۋدٸ سۇرادى. 2 اقپاندا سوت فسين-نٸڭ ٶتٸنٸشٸن ورىندادى. سوت ٷكٸمٸنە سەيكەس, ساياساتكەر تٷرمەدە 2 جىل 8 اي وتىرۋى تيٸس.
