قر پرەزيدەنتٸ قاسىم-جومارت توقاەۆتىڭ تاپسىرماسىمەن ٸشكٸ ٸستەر مينيسترلٸگٸ دەرٸ-دەرمەكتەردٸڭ باعاسىن قىمباتتاتۋ فاكتٸلەرٸن انىقتاۋ بويىنشا رەيدتەر ٶتكٸزدٸ, دەپ حابارلايدى قازاقپارات.
«رەيد بارىسىندا دەرٸ-دەرمەكتەردٸ جاپپاي ساتىپ الۋدى ۇيىمداستىرعان ادامدار انىقتالدى. ولار دەرٸ-دەرمەكتٸڭ جاساندى تاپشىلىعىن تۋدىرىپ, كەيٸن دەرٸلەردٸ ناقتى قۇنىنان بٸرنەشە ەسە ارتىق باعامەن قايتا ساتقان. دەرٸ-دەرمەكتەردٸ قايتا ساتۋدىڭ كٶپتەگەن فاكتٸلەرٸ ەلٸمٸزدٸڭ بارلىق ٶڭٸرٸندە انىقتالدى. پىسىقاي ازاماتتار دەرٸ-دەرمەكتەردٸ فيسكالدى چەكتەردٸ شىعارماي ساتقان. سالدارىنان ادامدار دەرٸلەردٸ قىمبات باعاعا الۋعا مەجبٷر بولعان», - دەپ اتاپ ٶتەدٸ مينيسترلٸكتەن.
مەسەلەن, ۆەدومستۆو مەلٸمەتٸنشە, نۇر-سۇلتان قالاسىندا پوليتسەيلەر قورعانىس قۇرالدارىن زاڭسىز ساتۋدىڭ جولىن كەستٸ. جەرگٸلٸكتٸ تۇرعىننان مەديتسينالىق ماسكالار, كومبينەزوندار, تەرمومەترلەر, مەديتسينالىق كٶزٸلدٸرٸكتەر مەن انتيسەپتيكالىق قۇرالدار تەركٸلەندٸ.
تاعى بٸر جاعدايدا ەيەل ادام ينتەرنەت-رەسۋرستا حابارلاندىرۋ بەرٸپ, پاراتسەتامول, ينگاۆيرين, تسەفترياكسون, ازيتروميتسين سيياقتى اسا قاجەتتٸ دەرٸ-دەرمەكتەردٸ زاڭسىز ساتقان. ەلورداداعى ساۋدا, ويىن-ساۋىق ورتالىقتارىنىڭ بٸرٸنٸڭ تۇراعىندا ونىڭ اۆتوكٶلٸگٸنەن اتالعان دەرٸلٸك پرەپاراتتارى بار ەكٸ قوراپ تابىلدى.
شىمكەنت قالاسىندا لەۆوماك مەديتسينالىق پرەپاراتىن 12 000 تەڭگەگە ساتقان جەرگٸلٸكتٸ تۇرعىن پوليتسيياعا جەتكٸزٸلدٸ. ول دەرٸ باعاسىن ٶز باعاسىنان 6 ەسە قىمباتقا ساتقان. دەرٸحانادا پروۆيزور بولىپ جۇمىس ٸستەيتٸن شىمكەنت قالاسىنىڭ تاعى بٸر تۇرعىنى دەكسامەتازون-ادجيو پرەپاراتىنىڭ امپۋلالارىن 5 000 تەڭگەدەن بەرگەن, نەگٸزگٸ باعاسى - 600 تەڭگە.
ال تٷركٸستان وبلىسىندا ەر ادام اسكوربين قىشقىلىن 5 000 تەڭگەدەن ساتقان, ونىڭ نەگٸزگٸ باعاسى - 250 تەڭگە.
وسىعان ۇقساس فاكتٸلەر الماتى قالاسىندا, اقمولا, اقتٶبە, اتىراۋ, شىعىس قازاقستان, جامبىل, باتىس قازاقستان وبلىستارىندا انىقتالىپ وتىر.
رەيدتٸڭ العاشقى كٷنٸندە پوليتسييا ۋچاسكەلەرٸنە 21 ادام جەتكٸزٸلدٸ.
