اقمولا وبلىسىندا دەرٸگەرلەردٸڭ كٸنەسٸنەن 1-شٸ توپتاعى مٷگەدەك بولىپ قالعان 62 جاستاعى تۇرعىن سوت ارقىلى 7,5 ميلليون تەڭگە كٶلەمٸندە مورالدىق زيياندى ٶندٸرٸپ الدى, دەپ حابارلايدى قازاقپارات تٸلشٸسٸ وبلىستىق سوتتىڭ باسپاسٶز قىزمەتٸنە سٸلتەمە جاساپ.
اقمولا وبلىستىق سوتىنىڭ سۋدياسى, باق-پەن جۇمىس ٷيلەستٸرۋشٸسٸ نۇرجامال جۇماعۇلوۆانىڭ ايتۋىنشا, ايازدا ٷسٸتٸپ العان ەكٸ اياعى اۋىرعان 62 جاستاعى ەر ادام 2021 جىلدىڭ 5-شٸ قاڭتارىنان باستاپ, بەس رەت اۋرۋحانىڭ قابىلداۋ بٶلٸمٸنە دەرٸگەرلەردەن كٶمەك سۇراپ بارعان. الايدا, دەرٸگەرلەر وعان كٶمەك كٶرسەتۋدەن باس تارتقان.
تەك سول جىلدىڭ 9-شى قاڭتارىندا عانا ەر ادام اۋرۋحاناعا «COVID-19 كوروناۆيرۋستىق ينفەكتسيياسى, ورتاشا اۋىرلىق. ٸلەسپە اۋرۋ: بٸلەك پەن اياق ايماعىنداعى تٸندەردٸڭ نەكروزىمەن ٷسٸك شالۋ, ەكٸ اياقتىڭ ەكٸنشٸ دەرەجەلٸ ٷسۋٸ» قورىتىندى دياگنوزىمەن جاتقىزىلدى.
«ناۋقاستا جەدەل پروگرەسسيۆتٸ ينفەكتسييا جەنە ەكٸ اياعىنىڭ دىمقىل گانگرەناسى دامىعانى ەسكەرٸلٸپ, 2021 جىلدىڭ 11-شٸ قاڭتارىندا دەرٸگەرلەردٸڭ كەڭەسٸندە تٸزە بۋىنىنان جوعارى امپۋتاتسييا ٷشٸن وتا جاساۋ تۋرالى شەشٸم قابىلداندى. وسىلايشا, ەر ادام تەك تٶرتٸنشٸ كٷنٸ اۋرۋحاناعا جاتقىزىلىپ, ال التىنشى كٷنٸ وتا جاسالدى», - دەدٸ نۇرجامال جۇماعۇلوۆا.
ناۋقاسقا تيٸستٸ مەديتسينالىق كٶمەك كٶرسەتپەگەندٸكتەن, تولىق تەكسەرمەگەندٸكتەن, ونىڭ جاي-كٷيٸن تولىق باعالاماۋدان, سونداي-اق, 2021 جىلعى 5 جەنە 7 قاڭتاردا بٸرنەشە رەت جٷگٸنگەن كەزدە اۋرۋحاناعا جاتقىزۋدى كەيٸنگە قالدىرۋ جەنە ەرەكەتسٸزدٸك سالدارىنان ناۋقاستىڭ اياعىنا امپۋتاتسييا جاسالىپ, مٷگەدەكتٸكتٸڭ 1-شٸ توبى بەرٸلدٸ. بۇل ساراپتامالىق قورىتىندىمەن جەنە اۋرۋحانانى جوسپاردان تىس تەكسەرۋ اكتٸسٸمەن راستالادى.
«ناۋقاس اۋرۋحاناعا مورالدىق زيياندى ٶتەۋ تۋرالى سوتقا جٷگٸندٸ. مورالدىق زيياننىڭ مٶلشەرٸن انىقتاۋ كەزٸندە بٸرٸنشٸ ساتىداعى سوت ەر ادامنىڭ دەپرەسسييا, قورلاۋ, ٷمٸتسٸزدٸك, زالال, دەرمەنسٸزدٸك, جايسىزدىق, دەپرەسسييالىق كٷيدە بولۋ سەزٸمدەرٸنەن كٶرٸنەتٸن مورالدىق جەنە فيزيكالىق ازاپتى باستان كەشٸرگەنٸن ەسكەردٸ جەنە ۇتىمدىلىق پەن ەدٸلەتتٸلٸك قاعيداتتارىن ەسكەرە وتىرىپ, ونىڭ پايداسىنا اۋرۋحانادان 7 500 000 تەڭگە مٶلشەرٸندە مورالدىق زيياندى ٶتەۋدٸ ٶندٸرٸپ الدى. بٸرٸنشٸ ساتىداعى سوتتىڭ شەشٸمٸمەن كەلٸسپەي, اۋرۋحانا ونىڭ كٷشٸن جويۋدى جەنە تالاپتى قاناعاتتاندىرۋدان باس تارتۋدى سۇرادى. الايدا, اپەللياتسييالىق سوتتىڭ قاۋلىسىمەن سوت شەشٸمٸ ٶزگەرٸسسٸز قالدى, اۋرۋحانانىڭ اپەللياتسييالىق شاعىمى قاناعاتتاندىرىلمادى», - دەپ تولىقتىردى نۇرجامال جۇماعۇلوۆا.
اۋرۋحانانى جوسپاردان تىس تەكسەرۋ ماتەريالدارى قر دەنساۋلىق ساقتاۋ مينيسترلٸگٸ مەديتسينالىق جەنە فارماتسەۆتيكالىق باقىلاۋ كوميتەتٸنٸڭ دەپارتامەنتٸمەن شەشٸم قابىلداۋ ٷشٸن كٶكشەتاۋ قالاسىنىڭ پوليتسييا باسقارماسىنا جەنە اقمولا وبلىسىنىڭ دەنساۋلىق ساقتاۋ باسقارماسىنا جولداندى.
«اقمولا وبلىسى پوليتسييا باسقارماسى تەرگەۋشٸسٸنٸڭ قاۋلىسىنا سەيكەس اۋرۋحانانىڭ مەديتسينا قىزمەتكەرلەرٸنٸڭ مەديتسينالىق كٶمەكتٸ تيٸسٸنشە كٶرسەتپەگەنٸ تۋرالى سوتقا دەيٸنگٸ تەرگەۋ ماتەريالى بويىنشا ٸس جٷرگٸزۋ توقتاتىلدى. تەكسەرۋ نەتيجەلەرٸ بويىنشا قابىلداۋ بٶلٸمٸنٸڭ كەزەكشٸ دەرٸگەرلەرٸن تەرتٸپتٸك جاۋاپكەرشٸلٸككە تارتۋ تۋرالى دەلەلدەر ۇسىنىلماعان. بۇيرىقتاردىڭ ٷزٸندٸلەرٸ بويىنشا حيرۋرگييا بٶلٸمشەسٸنٸڭ دەرٸگەرلەرٸمەن ەڭبەك شارتى بۇزىلدى», - دەپ تٷيٸندەدٸ نۇرجامال جۇماعۇلوۆا.
