الماتىدا ٶتكەن ونلاين بريفينگ بارىسىندا دەرٸگەرلەر كۆي جۇقتىرعان ناۋقاستاردىڭ كەيبٸرٸ نەگە ٷيدە ەمدەلۋٸ تيٸس ەكەندٸگٸن تٷسٸندٸردٸ, دەپ حابارلايدى قازاقپارات.
دەرٸگەر ينفەكتسيونيست تامارا ۇتاعانوۆانىڭ ايتۋىنشا, ەلەمدە كۆي ەمدەۋدٸڭ كلينيكالىق دياگنوستيكالىق حاتتاماسىنىڭ 9 رەداكتسيياسى ەنگٸزٸلگەن.
«حالىقارالىق اۋرۋلار كلاسسيفيكاتسيياسى بويىنشا اۋرۋلاردى قالاي تٸركەۋدٸ انىقتادىق. قارقىندى تەراپييا جەنە رەانيماتسييالىق بٶلٸمشەلەرگە قاي ناۋقاستاردى جاتقىزۋ كەرەك. سيمپتومى جوق ناۋقاستار, جەڭٸل ناۋقاستاردى ەمدەۋ, مەديتسينالىق-سانيتارلىق كٶمەك ۇيىمدارىنىڭ كٶمەگٸ, باقىلاۋى, قالاي وقشاۋلانۋ كەرەكتٸگٸ تۋراسىندا ٶزگەرٸستەر ەنگٸزٸلدٸ», - دەدٸ مامان.
قازٸر سونىمەن قاتار ناۋقاستاردى ەمدەۋگە الدىڭعى حاتتامادا جوق دەرٸلەر ەنگٸزٸلگەن.
«مۇنىڭ الدىندا بارلىق ناۋقاستار اۋرۋحاناعا جاتقىزىلاتىن ەدٸ, اۋرۋحانادا باقىلاناتىن. ولاردى سيمپتومدارى بولسىن-بولماسىن دەرٸ-دەرمەكپەن ەمدەيتٸنبٸز. قازٸر ەگەر ەش بەلگٸلەرٸ جوق بولسا, اۋرۋ جەڭٸل ٶتسە, ەم-شارالارىن جٷرگٸزۋ قاجەتتٸلٸگٸ جوق. ەگەر ناۋقاستىڭ بويىندا قوسالقى اۋرۋلار بولاتىن بولسا, وندا ول ادام بٸرٸنشٸ سانيتارلىق مەديتسينالىق كٶمەك ۇيىمدارىمەن باقىلانادى. باقىلاۋ قاشىقتان بولادى, كٷندەلٸكتٸ 2 رەت قوڭىراۋ شالۋ نەمەسە 3 كٷندە بٸر رەت ۆيدەوقوڭىراۋ شالۋ ارقىلى جاسالادى», - دەدٸ تامارا ۇتاعانوۆا.
سونىمەن قاتار, دەرٸگەر ٷيٸندە سيمپتومسىز جاتقان ناۋقاستارعا نە ٸشۋ كەرەكتٸگٸن تٷسٸندٸردٸ.
«ٷيدە جاتقان سيمپتومى جوق ادامدار نە دەرٸ ٸشۋٸ كەرەك? ارنايى دەرٸ قابىلدانبايدى. تەك باقىلاۋ جٷرگٸزٸلەدٸ. ناۋقاستىڭ قىزۋى كٶتەرٸلگەندە - قىزۋعا قارسى, تاماعى جىبىرلاسا - سيمپتوماكتيكالىق ەم جاساۋ كەرەك», - دەدٸ ت. ۇتاعانوۆا.
قالانىڭ باس سانيتارلىق دەرٸگەرٸ جانداربەك بەكشيننٸڭ ايتۋىنشا, قازٸر قالادا سوڭعى 10 كٷندە اۋرۋ كٶرسەتكٸشٸ 5% بولىپ تۇر.
قالا بيلٸگٸ وسى كٶرسەتكٸشتٸ 1%-كە دەيٸن تٶمەندەتۋدٸ ماقسات تۇتىپ وتىر. سونىمەن قاتار, قالاداعى تٶسەك ورىنداردىڭ 95 پايىزى تولعان.
