الماتىلىق دەرٸگەرلەر قىرعىزستاندا تاۋدان قۇلاعان تاس كٶشكٸنٸ استىندا قالىپ قويىپ زارداپ شەككەندەردٸڭ قانداي جاراقات العانىن ايتتى, دەپ حابارلايدى قازاقپارات تٸلشٸسٸ.
بٷگٸن تٷس شاماسىندا الماتى ەۋەجايىنا بٸشكەك ماڭىنداعى تاۋدا تاس كٶشكٸنٸنەن زارداپ شەككەن تۋريستەر تٸكۇشاقپەن جەتكٸزٸلدٸ.
قالالىق دەنساۋلىق ساقتاۋ باسقارماسىندا حابارلاعانداي, ناۋقاستاردى تەكسەرۋگە 4 جەدەل جەردەم بريگاداسى شىقتى.
«2 ناۋقاس (قازاقستان ازاماتتارى) جەدەل جەردەم دەرٸگەرلەرٸنە قارالىپ, اۋرۋحاناعا بارۋدان باس تارتتى. قالعان 4 ناۋقاس (ەكەۋٸ قازاقستان ازاماتى, ەكەۋٸ رف ازاماتى) №4 كلينيكالىق اۋرۋحاناعا جەتكٸزٸلدٸ. ارنايى زەرتتەۋلەر, دياگنوستيكالىق تەكسەرۋلەردەن ٶتتٸ. تٶرتەۋٸ دە جاراقاتى جەڭٸل بولعان سوڭ ٷيلەرٸنە جٸبەرٸلدٸ», - دەدٸ قالالىق دەنساۋلىق ساقتاۋ باسقارماسى باسشىسىنىڭ ورىنباسارى نۇرجان يسابەكوۆ.
ونىڭ ايتۋىنشا, ەر ادامداردى قاراۋ بارىسىندا بارلىعىنىڭ تەرٸسٸنٸڭ سىرىلۋى, قولى جەنە اياقتارىنىڭ جاراقاتتارى, ٸشتەرٸنە زاقىم كەلۋٸ انىقتالعان.
ەر ادامداردىڭ ەڭ ٷلكەنٸ 50 جاستا بولسا, ەڭ جاسى 26 جاستا ەكەن.
ەسكە سالايىق, 30 شٸلدەدە قىرعىزستان اۋماعىندا بٸشكەك قالاسىنان 40 شاقىرىم قاشىقتىقتا سكريابين مۇزدىعى اۋدانىندا بٸر توپ تۋريستەر تاسقۇلاماعا تاپ بولعان ەدٸ. زارداپ شەگۋشٸلەردٸڭ اراسىندا تٶرت قازاقستان ازاماتى بار. قر سىرتقى ٸستەر مينيسترلٸگٸ قىرعىزستانداعى تاسقۇلاما كەزٸندە قازاقستاندىقتىڭ مەرت بولعانىن راستادى.
بٷگٸن قر تجك رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى تٸكۇشاقپەن قىرعىزستانداعى تۋريستەرگە كٶمەككە اتتانعان ەدٸ.
