دەرٸگەرلەرگە بەرٸلەتٸن ٷستەماقى جاس مامانداردىڭ ىنتاسىن ارتتىرىپ, ماماندىققا دەگەن ماحابباتىن كٷشەيتەدٸ. بۇل تۋرالى الماتى وبلىسى ەڭبەكشٸقازاق اۋداندىق جۇقپالى اۋرۋلار اۋرۋحاناسىنىڭ ينفەكتسيونيست دەرٸگەرٸ ەسەم وماروۆا «ۇلت» پورتالىنا ەڭگٸمەلەپ بەردٸ.
كارانتين بٶلٸمٸندە قىزمەت ەتٸپ جاتقان ەسەم بيحاسىمقىزى دەرٸگەرلەرگە بەرٸلٸپ جاتقان ٷستەماقى قاۋٸپ پەن قاتەردٸڭ ورتاسىندا جٷرگەن مامانداردى جٸگەرلەندٸرەتٸنٸن ايتتى. الايدا جاس مامان ٷشٸن ماڭىزدىسى ٷستەماقى ەمەس, ەلٸمٸزدەگٸ قيىز كەزەڭدە ادال قىزمەت ەتۋ.
«قازٸرگٸ كەزدە كٶپ جەردە دەرٸگەرلەرگە بەرٸلٸپ جاتقان ٷستەماقى تۋرالى سٶز بولادى. يە, راس, اقشا بٸزدٸڭ ٶمٸرٸمٸزدە از ورىن المايدى. قاجەتتٸلٸگٸ ەشقاشان جويىلمايدى. دەگەنمەن بۇل ٶمٸردە ماڭىزدىسى اقشا ەمەس ەكەنٸن بەرٸمٸز تٷسٸنەمٸز. ەرينە, مەملەكەت بٸزدٸ قولداپ, ٷستەماقى بەرٸپ جاتقانى بٸزدٸ قۋانتادى. دەل وسى قيىن جاعدايدا دەرٸگەرلەردٸڭ ستاتۋسى كٶتەرٸلدٸ دەپ ويلايمىن. ەڭ باستىسى مىنا كٷرەستە بٸز جەڭٸپ, وسى سىناقتان حالقىمىز امان-ەسەن, بەرٸمٸز بٷتٸن شىقساق ەكەن», - دەيدٸ ەسەم وماروۆا.
دەل قازٸر كورونۆيرۋس ينفەكتسيياسىنا قارسى كٷرەستٸڭ الدىڭعى لەگٸندە جٷرگەن مەديتسينا سالاسىنىڭ قىزمەتكەرٸ ەسەم بيحاسىمقىزى دەرٸگەرلەرگە ٷستەماقى تاعايىندالماعان كٷننٸڭ ٶزٸندە دە دەل وسى جولدى تاڭدايتىنىن ايتتى.
«مەن ٷشٸن ٷستەماقى ەمەس, اق حالاتىم مەن انتىم ماڭىزدى. ال مەديتسينالىق ٷستەماقىعا مەن ٶز تاراپىمنان ەمەس, جۇمىس ورنىمنان ۇسىنىلعان. ەر دەرٸگەر سانالى تٷردە وسى جولدى تاڭدار ەدٸ دەپ ويلايمىن. بٸزدٸڭ بٶلٸمدە 7-8 دەرٸگەر جۇمىس ٸستەپ جاتىرمىز. ال بٸزدە كارانتيندە جاتقان ادامداردى ناۋقاس دەپ ايتا المايمىز, ولار تەك بايلانىستا بولعان كٸسٸلەر. بٸراق بٸز ٷلكەن قاۋٸپتٸڭ الدىن الىپ, ولارمەن جۇمىس ٸستەپ جاتىرمىز», - دەيدٸ ول.
الماتى وبلىسى ەڭبەكشٸقازاق اۋداندىق جۇقپالى اۋرۋلار اۋرۋحاناسىنىڭ ينفەكتسيونيست دەرٸگەرٸ ەسەم وماروۆا جاس مامان, جاسى 27-دە. سوعان قاراماستان ول بارلىق كٷش-جٸگەرٸن كوروناۆيرۋسپەن كٷرەس جولىنا ارناپ وتىر.
«ٷيگە بارماعانىما بٸر اي بولدى. اتا-انامدى, باۋىرلارىمدى ساعىنامىن, ولار دا مەنٸ اسىعا كٷتٸپ وتىر, بٸر جاعىنان الاڭدايدى. بٸراق قولىم قالت ەتسە, وتباسىما حابارلاسىپ, الاڭداۋعا ەشقانداي نەگٸز جوق ەكەنٸن ايتىپ, سابىرعا شاقىرامىن. بۇيىرسا, مىنا ٸندەتتەن امان-ەسەن شىقساق, وتباسىمىزبەن دە, جۇمىسىمىزبەن دە, حالقىمىزبەن دە امان-ەسەن قاۋىشاتىن كٷن كەلەدٸ», - دەيدٸ دەرٸگەر ەسەم بيحاسىمقىزى.
