فوتو: اشىق دەرەككٶز
دەنساۋلىق ساقتاۋ مينيسترلٸگٸ ٶزٸن مەديتسينا قىزمەتكەرٸ رەتٸندە تانىستىرىپ, ازاماتتارعا قوڭىراۋ شالاتىن الاياقتار كٶبەيگەنٸن ەسكەرتتٸ, دەپ حابارلايدى Ult.kz.
ۆەدومستۆو مەلٸمەتٸنشە, كٷمەندٸ تۇلعالار ەمحانا اتىنان حابارلاسىپ, تٷرلٸ سىلتاۋمەن SMS-كودتار مەن جەكە دەرەكتەردٸ سۇرايدى. ەسٸرەسە ەگدە جاستاعى ادامدار ولاردىڭ نىساناسىنا اينالىپ وتىر.
مۇنداي جاعدايلاردىڭ بٸرٸ تۋرالى جەلٸ قولدانۋشىسى گٷلنارا شاكيموۆا جازدى. ونىڭ ايتۋىنشا, 77 جاستاعى اناسىنا ەمحانادان شىققان بويدا بەلگٸسٸز ادام قوڭىراۋ شالىپ, ٶزٸن يممۋنولوگ رەتٸندە تانىستىرعان. ول تالداۋعا جازۋ ٷشٸن كەلگەن SMS-كودتى سۇراپ العان.
كٶپ ۇزاماي ەيەلدٸڭ تەلەفونىنا تٷرلٸ بانكتەردەن نەسيە ماقۇلدانعانى تۋرالى حابارلامالار كەلە باستاعان. كەيٸن ەمحانا قىزمەتكەرلەرٸ مۇنداي كودتاردى ەشقاشان سۇرامايتىنىن راستاعان.
مينيسترلٸك مۇنداي ەرەكەتتەر كەڭ تارالعان الاياقتىق سحەما ەكەنٸن اتاپ ٶتتٸ.
دسم ازاماتتارعا مىناداي ساقتىق شارالارىن قاتاڭ ۇستانۋدى ۇسىنادى:
SMS-كودتار مەن جەكە دەرەكتەردٸ ەشكٸمگە بەرمەۋ;
تەلەفون ارقىلى ايتىلعان اقپاراتتى تەكسەرۋ;
كٷمەندٸ قوڭىراۋلار بولعان جاعدايدا ەمحاناعا نەمەسە قۇقىق قورعاۋ ورگاندارىنا جٷگٸنۋ.
سونداي-اق قابىلداۋعا جازىلۋ تەك رەسمي سەرۆيستەر ارقىلى جٷزەگە اساتىنى ەسكەرتٸلدٸ: eGov.kz, eGov Mobile جەنە Damumed.
مينيسترلٸك دەرەگٸنشە, مەديتسينالىق جٷيەلەردٸڭ بۇزىلۋى نەمەسە پاتسيەنتتەردٸڭ دەرەكتەرٸنە زاڭسىز قول جەتكٸزۋ فاكتٸلەرٸ تٸركەلمەگەن. الايدا ازاماتتاردى الداۋ ارقىلى جەكە مەلٸمەتتەر مەن قارجىلىق سەرۆيستەرگە قول جەتكٸزۋ ەرەكەتتەرٸ جيٸلەگەن.
