سەنات تٶراعاسى داريعا نازارباەۆا اگرارلىق سەكتوردى جٷيەسٸز رەفورمالاۋدىڭ سالدارىنان تۇتاس اۋىلدار جويىلىپ كەتٸپ جاتقانىن مەلٸمدەدٸ, دەپ حابارلايدى "ۇلت اقپارات".
"اگرارلىق سەكتوردى تۇراقتى تٷردە جٷيەسٸز رەفورمالاۋ جىلدارى اۋىل شارۋاشىلىعىن داعدارىسقا, ٶندٸرٸستٸڭ كٷرت قۇلدىراۋىنا, ٶندٸرۋشٸلەر تابىسىنىڭ تٶمەندەۋٸنە, اۋىلشارۋاشىلىعى ٶنٸمدەرٸنٸڭ, شيكٸزات پەن ازىق-تٷلٸك باعاسىنىڭ كٶتەرٸلۋٸنە جەنە باسقا دا كەلەڭسٸز جاعدايلارعا الىپ كەلدٸ", - دەدٸ نازارباەۆا اگروٶنەركەسٸپ كەشەنٸن دامىتۋ مەسەلەلەرٸ تۋرالى پارلامەنتتٸك تىڭداۋدا.
ايتۋىنشا, جٷيەسٸز رەفورمالار كەزٸندە اۋىل شارۋاشىلىعىندا جۇمىس كٷشٸ قۇنسىزدانىپ, اۋىلداردا جۇمىس ورىندارى ازايدى. ەلەۋمەتتٸك ينفراقۇرىلىم نىساندارى مەن ەلەۋمەتتٸك-تۇرمىستىق قىزمەتتەر قىسقارعان.
"اۋىل تۇرعىندارىنىڭ سانى ازايىپ, بٸرتٸندەپ بٷتٸن ەلدٸمەكەندەر جويىلىپ كەتٸپ جاتىر", - دەپ الاڭدادى سەنات سپيكەرٸ.
نازارباەۆا ساندىق جەنە پايىزدىق كٶرسەتكٸشتەرگە قاراماستان, سوڭعى ون جىلدا اۋىل شارۋاشىلىعى توقىراۋعا ۇشىراعانىن قاداپ ايتتى.
اۋىل شارۋاشىلىعىنىڭ جٸٶ ٷلەسٸ ون جىل ٸشٸندە 5 پروتسەنتتەن اسپاعان, ال كەيٸنگٸ جىلدارى تۇراقتى تٷردە تٶمەندەپ بارادى.
"كٶبٸنە كەستەلەر مەن سانداردىڭ ارتىندا ادامداردىڭ ناقتى پروبلەمالارى تۇرعانىن كٶرە بەرمەيمٸز. بٸز سالانىڭ ەلەۋمەتتٸك ٶلشەمٸنە نازار اۋدارۋىمىز كەرەك. اۋىلدىڭ تۇرمىس سالتى مەن ٶمٸر فيلوسوفيياسى قالاداعى ٶمٸردەن مٷلدەم ٶزگەشە. ستاتيستيكا كوميتەتٸنٸڭ مەلٸمەتتەرٸ بويىنشا, وسى جىلدىڭ 1 قاڭتارىندا ەكونوميكا سالاسىنداعى ەڭ تٶمەنگٸ جالاقى اۋىل شارۋاشىلىعىندا بولعان", - دەدٸ نازارباەۆا.
ول بۇل مەسەلەلەردٸڭ بەرٸ مەملەكەت نازارىنان تىس قالماعانىن اتاپ ٶتتٸ.
ونىڭ سٶزٸنە قاراعاندا, 2010 جىلدان بەرٸ قازاقستاندا 3 مەملەكەتتٸك باعدارلاما قابىلدانعان. اگروٶنەركەسٸپتٸك كەشەندٸ دامىتۋدىڭ قولدانىستاعى ٷشٸنشٸ مەملەكەتتٸك باعدارلاماسى 2021 جىلى اياقتالادى.
ستاتيستيكا كوميتەتٸنٸڭ مەلٸمەتٸنشە, 2017 جىلدان باستاپ 2019 جىلعا دەيٸن اۋىل شارۋاشىلىعىنىڭ جالپى ٶنٸمٸ 4,5 تريلليون تەڭگەدەن اسپاعان. 2021 جىلعا قاراي سالانى دامىتۋ باعدارلاماسى اياسىندا ونى 8,2 تريلليونعا دەيٸن ٶسٸرۋ جوسپارلانىپ وتىر.
"باعدارلامانى جٷزەگە اسىرۋدىڭ ٷش جىلىندا 2 تريلليون تەڭگەگە جۋىق قاراجات تەك اگروٶنەركەسٸپ كەشەنٸن سۋبسيدييالاۋعا جۇمسالعان. مەملەكەت بۇل سالانى بەلسەندٸ دامىتۋعا العىشارتتار جاساپ, جاعدايدى جاقسارتۋ ٷشٸن ٷنەمٸ شارالار قابىلداپ جٷر دەپ بٸلەمٸز. اۋىل تۇرعىندارى جٷزەگە اسىرىلىپ جاتقان مەملەكەتتٸك باعدارلامالاردان ەڭ كٶپ جەڭٸلدٸكتەر مەن جەردەماقى الۋشىلار قاتارىندا دەپ ەسەپتەيمٸز. بٸراق ٸس جٷزٸندە باعدارلامالار اۋىل تۇرعىندارىنىڭ ەل-اۋقاتىن جاقسارتىپ جاتىر ما? بٸزگە مەملەكەتتٸك باعدارلامالاردىڭ سەتتٸ ەرٸ نەتيجەلٸ جٷزەگە اسىرىلۋىنا نە كەدەرگٸ ەكەنٸن تٷسٸنۋ كەرەك", - دەدٸ سپيكەر.
نازارباەۆا اۋىل شارۋاشىلىعى دامىعان ەلدەردٸڭ تەجٸريبەسٸن زەرتتەپ, قازاقستاننىڭ ٶز دامۋ جولىن تاڭداۋعا شاقىردى.
