كوللاج: Ult.kz
اكتريسا داريعا بادىقوۆانىڭ جۋرناليست نۇرسەيٸت جىلقىشىبايعا قارسى ارىز-شاعىمى بويىنشا قوزعالعان سوت ٸسٸندە بادىقوۆا جەڭٸلٸس تاپتى, دەپ حابارلايدى Ult.kz.
اكتريسانىڭ بۇرىنعى كٷيەۋٸ دارحان مۇساەۆ نۇرسەيٸت جىلقىشىبايدىڭ «ۋاقىت كٶرسەتەدٸ» YouTube-ارناسىنا جەكە ٶمٸرٸ جەنە داريعا بادىقوۆامەن اراسىنداعى قارىم-قاتىناس تۋرالى ايتقان.
الايدا داريعا بادىقوۆا سوتقا جولداعان تالاپ ارىزىندا جۋرناليستٸڭ بەينەماتەريالىن شىندىققا جاناسپايدى دەپ تانۋدى, ونى جەلٸدەن جويۋدى جەنە جارييا تٷردە كەشٸرٸم سۇراتۋدى سۇراعان. سونداي-اق تالاپكەر 1 000 000 تەڭگە مورالدىق زييان, 2 500 000 تەڭگە زاڭگەرلٸك قىزمەت اقىسى جەنە 802 128 تەڭگە ساراپتاما شىعىندارىن قوسا العاندا, جالپى مٶلشەرٸ 4 ميلليون تەڭگەدەن اساتىن ٶتەماقى سۇراعان.
نۇرسەيٸت جىلقىشىبايدىڭ ادۆوكاتى ينگا يمانباي بۇل ٸستٸ سٶز بوستاندىعىن قورعاۋ, جۋرناليستيكانى سوت ارقىلى تۇنشىقتىرۋعا جول بەرمەۋ دەپ ەسەپتەيتٸنٸن ايتادى.
«بۇل ٸس مەن ٷشٸن جاي عانا كەزەكتٸ پروتسەسس ەمەس. مەنٸڭ بٸرٸنشٸ ماماندىعىم – جۋرناليستيكا, ەكٸنشٸ ماماندىعىم – زاڭگەر. سوندىقتان مەن ٷشٸن مٸندەت قانا ەمەس, ٸشكٸ زاڭگەر رەتٸندە سٶز بوستاندىعىن قورعاۋ – كەسٸبي ۇستانىم. مۇندا مەن ەشكٸمنٸڭ جەكە ٶمٸرٸنە ارالاسقان جوقپىن. مەن قورعاعان نەرسە – جۋرناليستٸڭ كەسٸبي ەركٸندٸگٸ, پٸكٸر الۋاندىعى جەنە اۆتوردى ٶز شىعارماشىلىق ٶنٸمٸن ٶشٸرۋگە مەجبٷرلەۋگە جول بەرمەۋ پرينتسيپٸ», – دەگەن.
