دانييار مەنٸڭ عانا بالام ەمەس, ول حالىقتىڭ بالاسى. بۇل تۋرالى بٷگٸن دانييار ەلەۋسٸنوۆتىڭ ەكەسٸ ريوداعى قازاقپارات تٸلشٸسٸنە بەرگەن سۇحباتىندا ايتتى.
«بٷگٸن دانييار حالىقتىڭ ٷمٸتٸن اقتادى. سول ٷشٸن قاتتى قۋانىپ جاتىرمىز. مەن عانا ەمەس, بٷكٸل قازاق ەلٸ قۋانىپ جاتىر. دانييار مەنٸڭ عانا بالام ەمەس, ول بٷكٸل حالىقتىڭ بالاسى», - دەپ اتاپ ٶتتٸ مارات ەلەۋسٸنوۆ.
سونداي-اق, فينالداعى قارسىلاسى مەن جەكپە-جەك تۋرالى دا ٶز ويىمەن بٶلٸستٸ.
«ٶزدەرٸڭٸز بٸلەسٸزدەر! دانييار جارتىلاي فينالدا ٷلكەن جاراقات الدى. قاباعى تۋرا كٶزٸنٸڭ جانىنان تەرەڭ جىرتىلىپ كەتتٸ. جىرتىلعان جەرٸن بٸر ەمەس, ەكٸ رەت تٸكتٸردٸك. فينالدا ٶتە قيىن بولادى-اۋ, دەپ قورىققانىمىزدا جاسىرىن ەمەس. سەبەبٸ, قارسىلاسى ونىڭ جارالانعان جەرٸن كٶزدەپ سوققى جاسايتىنى انىق ەدٸ. سوسىن, بٸز دانييارعا قارسىلاسىن جاقسىلاپ زەرتتەپ, ٶزگەشە ايلا-تەسٸل جاساۋدى تاپسىردىق. تەك اياقپەن جۇمىس ٸستەپ, قارسىلاسىڭدى شەگٸنە جٷرٸپ سوققى جاسا, بٸردەن ٶزٸڭ العا ۇمتىلما دەگەن بولاتىنبىز. ول تاپسىرمانى ويداعىداي ورىندادى. ٶزٸنە كٶپ سوققى دارىتپادى. سونىڭ نەتيجەسٸندە جەڭٸسكە جەتتٸ», - دەپ اتاپ ٶتتٸ دانيياردىڭ ەكەسٸ.
