Daniiar meniń ǵana balam emes, ol halyqtyń balasy. Bul týraly búgin Daniiar Eleýsinovtyń ákesi Riodaǵy QazAqparat tilshisine bergen suhbatynda aitty.
«Búgin Daniiar halyqtyń úmitin aqtady. Sol úshin qatty qýanyp jatyrmyz. Men ǵana emes, búkil qazaq eli qýanyp jatyr. Daniiar meniń ǵana balam emes, ol búkil halyqtyń balasy», - dep atap ótti Marat Eleýsinov.
Sondai-aq, finaldaǵy qarsylasy men jekpe-jek týraly da óz oiymen bólisti.
«Ózderińiz bilesizder! Daniiar jartylai finalda úlken jaraqat aldy. Qabaǵy týra kóziniń janynan tereń jyrtylyp ketti. Jyrtylǵan jerin bir emes, eki ret tiktirdik. Finalda óte qiyn bolady-aý, dep qoryqqanymyzda jasyryn emes. Sebebi, qarsylasy onyń jaralanǵan jerin kózdep soqqy jasaityny anyq edi. Sosyn, biz Daniiarǵa qarsylasyn jaqsylap zerttep, ózgeshe aila-tásil jasaýdy tapsyrdyq. Tek aiaqpen jumys istep, qarsylasyńdy shegine júrip soqqy jasa, birden óziń alǵa umtylma degen bolatynbyz. Ol tapsyrmany oidaǵydai oryndady. Ózine kóp soqqy darytpady. Sonyń nátijesinde jeńiske jetti», - dep atap ótti Daniiardyń ákesi.
