بٷگٸن ريو وليمپياداسىنىڭ چەمپيوندارى مەن جٷلدەگەرلەرٸ ەلگە ورالدى. تٷنگٸ ۋاقىتقا قاراماستان, سپورتشىلاردى كٷتٸپ الۋعا تۋىستارى مەن جاقىندارى, جانكٷيەرلەرٸ كەلدٸ.
"مەن ٶتە قۋانىشتىمىن, ول ٷشٸن قاتتى ۋايىمدادىم, ٶتە قورقىنىشتى بولدى. مەن ونىڭ جاراقاتىن كٶرگەندە, قۇلاي جازدادىم. قازٸر بارلىعى جاقسى, بٸز ٶتە باقىتتىمىز", - دەدٸ د. ەلەۋسٸنوۆتٸڭ زايىبى "قازاقپارات" تٸلشٸسٸنە بەرگەن سۇxباتىندا.
ەسكە سالا كەتەيٸك, ريو وليمپياداسىندا بوكستان ٶتكەن جارىستا 69 كەلٸدە ٶنەر كٶرسەتكەن قازاقستاندىق بوكسشى دانييار ەلەۋسٸنوۆ جارتىلاي فينالدا فرانتسۋز سٷلەيمان سيسسوكوعا قارسى كەزدەسۋ ٶتكٸزدٸ. جەكپە-جەكتٸڭ بٸرٸنشٸ راۋندى دانييار ەلەۋسٸنوۆتٸڭ ايقىن جەڭٸسٸمەن اياقتالعان بولاتىن. ەكٸنشٸ راۋندتا دا قازاقستاندىق بوكسشى ەدەۋٸر باسىمدىقپەن الدا كەلە جاتقان. الايدا قارسىلاسىنىڭ باسىنا سوعىلعان دانييار شەكەسٸن قاتتى جاراقاتتاپ العان ەدٸ. دەرٸگەر كەزدەسۋدٸ جالعاستىرۋعا تىيىم سالدى. تٶرەشٸلەر جەڭٸستٸ قازاققا بەردٸ. سيسسوكو بولسا, قولا مەدال يەلەندٸ.
فينالدا د. ەلەۋسٸنوۆ ٶزبەكستان بوكسشىسى شاxرام گيياسوۆتان باسىم تٷستٸ.
ريودان دانييارمەن بٸرگە ونىڭ ەكەسٸ جەنە جەكە باپكەرٸ - مارات ەلەۋسٸنوۆ تە كەلدٸ.
"ٸشتەگٸ سەزٸمدٸ سٶزبەن ايتىپ جەتكٸزۋ مٷمكٸن ەمەس, مەن ٶتە باقىتتىمىن. بٸز بۇعان كٶپ جىلدار بويى تالپىنىپ كەلدٸك, ەندٸ مٸنە سوعان دا قول جەتكٸزدٸك. جانكٷيەرلەرگە مىڭ العىس. تانىمايتىن ادامداردىڭ ٶزٸ جازىپ جاتىر, قوڭىراۋ شالىپ جاتىر - بٸزگە ٶتە قۋانىشتى", - دەپ اتاپ ٶتتٸ م. ەلەۋسٸنوۆ.
