ريو-دە-جانەيرو وليمپياداسىنىڭ چەمپيونى ۇلتتىق قۇراماعا قايتىپ كەلۋٸ مٷمكٸن. بۇل تۋرالى بوكسشى قازاقپارات تٸلشٸسٸنە بەرگەن شاعىن سۇحباتىندا مەلٸم ەتتٸ.
- دانييار, ٶتكەن جىلدىڭ اياعىندا بٸر جولا كەسٸپقوي بوكسقا اۋىسقانىڭدى ەلٸمٸزدەگٸ بارلىق باق ٶكٸلدەرٸ جارىسا جازىپ, سەتتٸلٸك تٸلەگەن ەدٸ. بٷگٸن كەلٸسٸم جاساعان كومپانيياڭمەن قول ٷزگەنٸڭ تۋرالى اقپارات تارادى. بۇل قانشالىقتى راس?
- يە, قالاي ەستٸپ جاتساڭىزدار, سولاي بولىپ جاتىر. اۆسترالييالىق MJA Entertainment پروموۋتەرلٸك كومپانيياسىمەن كەلٸسٸمشارتىمىز بۇزىلدى.
- وعان نە سەبەپ بولدى?
- ولار بٸزدٸ الداپ سوقتى. ال ولاردى كٸم الداعانىن ناقتىلى بٸلمەيمٸن. ولار بٸزگە بەرگەن ۋەدەسٸن ورىنداي المادى. نەگٸزٸ جوسپار بويىنشا مامىر ايىندا قىتايدا بٸرٸنشٸ جەكپە-جەگٸمٸزدٸ ٶتكٸزۋٸمٸز كەرەك بولعان. ٶتپەي قالدى. مٷمكٸن قىتايلىقتارمەن كەلٸسە الماعان شىعار, ول جاعى دا بٸزگە تٷسٸنٸكسٸز. مٸنە, ٶتكەن جىلدىڭ اياعىنان بەرٸ قانشاما ۋاقىتىمىزدى الدى. تەككە ۋاقىتىمىز كەتتٸ. سول ٷشٸن ول پروموۋتەرلٸك كومپانييامەن حوش ايتىسۋعا تۋرا كەلدٸ.
- ەندٸ نە ٸستەمەك ويىڭىز بار? ۇلتتىق قۇراماعا قايتا كەلۋ ويىڭىزدا بار ما?
- ەرينە, ۇلتتىق قۇراماعا قايتا ورالۋ ويىمدا بار. باسقا جولدار قاراستىرىپ جاتقان جوقپىن.
- ۇلتتىق قۇراما قايتادان وپ-وڭاي الا سالادى دەپ ويلايسىز با?
-جوق, ونداي وڭاي شارۋا بولمايتىنىن بٸلەم. ول ٷشٸن ٷلكەن سٷزگٸدەن ٶتۋٸمە تۋرا كەلەدٸ. قايتادان ەل بٸرٸنشٸلٸگٸنە قاتىسىپ, ٶزٸمنٸڭ بابىمدا ەكەنٸمدٸ دەلەلدەۋ كەرەكپٸن.
- ۇلتتىق قۇرامادان كەتٸپ قالعانىڭىزعا ٶكٸنٸپ قالعان سيياقتىسىز?
- الدانىپ قالعانىمىزعا ٶكٸنەمٸز. ۇلتتىق قۇرامادا مەنٸمەن بٸرگە جەكە باپكەرٸم رەتٸندە ەكەم دە جۇمىس ٸستەدٸ. ەۋەسقوي بوكسقا كەتەم دەگەندە ەكەم دە مەنٸمەن بٸرگە جۇمىستان شىعىپ كەتتٸ. ەندٸ وسىنىڭ بارلىعىن قالپىنا كەلتٸرۋ ٷشٸن بٸراز ەڭبەكتەنۋ كەرەك ەكەنٸ بەلگٸلٸ.
- قازٸر قازاقتىڭ مەنشٸگٸ اتىنىپ كەتكەن 69 كەلٸ سالماقتا ابىلايحان جٷسٸپوۆ دەگەن باۋىرىڭىز جٷرگەنٸن جاقسى بٸلەسٸز? سٸز ۇلتتىق قۇراماعا كەلسەڭٸز, قاي سالماقتا ٶنەر كٶرسەتەسٸز?
- يە, جٷسٸپوۆتٸ جاقسى بٸلەمٸن. وسىعان دەيٸن ۇلتتىق قۇرامادا بٸرگە جاتتىقتىق. ريوعا بٸرگە باردىق. بولاشاعىنان زور ٷمٸت كٷتتٸرەتٸن تالانتتى بوكسشى. ال قازٸر مەن ۇلتتىق قۇراماعا قايتا بارىپ جاتسام, قاي سالماقتا جۇدىرىقتاساتىنىمدى ەلٸ شەشكەن جوقپىن. ونى ۋاقىت كٶرسەتەدٸ.
