موناكوداعى بوكس كەشٸندە وليمپيادا چەمپيونى دانييار ەلەۋسٸنوۆ نيكاراگۋالىق ماركوس موحيكامەن شارشى الاڭعا شىعىپ, جەڭٸسكە جەتتٸ, دەپ حابارلايدى قازاقپارات تٸلشٸسٸ.
باتىس قازاقستان وبلىسىنان تٷلەپ ۇشىپ, ەۋەسقوي بوكستاعى بارلىق بيٸكتٸ باعىندىرعان 1991 جىلعى دانييار ەلەۋسٸنوۆتٸڭ (4-0, 2 كو) بۇل كەسٸپقوي رينگتەگٸ بەسٸنشٸ كەزدەسۋٸ بولسا, 33 جاسار ماركوس موحيكا (16-2-2, 12 كو) ودان ەلدەقايدا تەجٸريبەلٸ ەكەنٸ انىق-تى.
كەسٸپقوي رينگتە جٷرگەنٸنە سەگٸز جىل بولعان ماركوس بۇعان دەيٸن تەك ٶز ەلٸندە ٶتكٸزگەن 20 جەكپە-جەكتٸڭ 16-سىندا جەڭٸسكە جەتسە, سونىڭ 12-سٸن نوكاۋتپەن اياقتاعان. ال, كەسٸپقوي بوكستاعى قادامىن بيىل عانا باستاعان دانييار تٶرت ايقاسىنىڭ ەكەۋٸندە قارسىلاسىن نوكاۋتپەن جەڭگەن.
«كازينو دە مونتە-كارلوداعى» سەگٸز راۋندتىق شايقاستا دانييار جەكپە-جەك تٸزگٸنٸن بٸردەن قولىنا الىپ, اۋىر سوققىلار دارىتا باستادى. ەكٸنشٸ راۋندتا-اق قازاقستاندىق بوكسشى قارسىلاسىن نوكداۋنعا جٸبەردٸ. موحيكا ەكٸنشٸ رەت نوكداۋنعا تٷسكەن سەتتە گونگ تا سوعىلدى.
ٷشٸنشٸ راۋندتا دانييار نيكاراگۋالىقتى تاعى بٸر نوكداۋنعا جٸبەردٸ. اقىرى موحيكا ەكٸ اۋىر سوققى العاننان كەيٸن تٶرەشٸ جەكپە-جەكتٸ توقتاتتى. نوكاۋت!
د.ەلەۋسٸنوۆ كەزدەسۋدەن كەيٸن سۇحبات بەرٸپ, قازاقستاندىق جانكٷيەرلەرٸن الداعى ۋاقىتتا ٷلكەن جەڭٸستەرٸمەن قۋانتاتىنىن جەتكٸزدٸ.
ەسكە سالا كەتەيٸك, بۇل كەشتٸڭ باستى جەكپە-جەگٸندە بٸرٸنشٸ اۋىر سالماقتاعى بۇرىنعى ەلەم چەمپيونى, رەسەيلٸك دەنيس لەبەدەۆ (31-2, 23 كو) امەريكالىق مايك ۋيلسونمەن (19-0, 8 كو) جۇدىرىقتاسادى.
