قازاقستاندىق كەسٸپقوي بوكسشى دانييار ەلەۋسٸنوۆ IBO تۇجىرىمى بويىنشا ەلەم چەمپيونى اتاندى, - دەپ حابارلايدى "ۇلت اقپارات".
وتانداسىمىز ەلوردادا ٶتكەن بوكس كەشٸندە ارگەنتينالىق حۋان ەرنان لەالمەن جۇدىرىقتاستى. جارتىلاي ورتا سالماقتا ٶنەر كٶرسەتەتٸن قوس بىلعارى قولعاپ شەبەرٸ IBO تۇجىرىمى بويىنشا ەلەم چەمپيونى بەلبەۋٸن ساراپقا سالعان ەدٸ.
ەلەۋسٸنوۆ قارسىلاسىن ەكٸنشٸ راۋندتا ەكٸ رەت, ٷشٸنشٸ راۋندتا بٸر رەت نوكداۋنعا جٸبەردٸ. دەگەنمەن ارگەنتينالىق بوكسشى كەزدەسۋدٸ جالعاستىرىپ, سوڭىنا دەيٸن شىدادى. قالعان راۋندتار دا دانيياردىڭ تولىق باسىمدىعىمەن ٶتٸپ, تٶرەشٸلەر شەشٸمٸمەن قازاقستاندىق بوكسشى جەڭٸسكە جەتتٸ.
وسىلايشا, ەلەۋسٸنوۆ تاريحتا ەلەم چەمپيونى بەلبەۋٸن تاققان بەسٸنشٸ قازاقستاندىق اتاندى. بۇعان دەيٸن ەلەم چەمپيونى تيتۋلىنا ۆاسيليي جيروۆ, گەنناديي گولوۆكين, جانات جاقييانوۆ پەن بەيبٸت شٷمەنوۆ قول جەتكٸزگەن ەدٸ.
ايتا كەتەيٸك, 30 جاستاعى دانييار ەلەۋسٸنوۆ 2016 جىلى ريو وليمپياداسىنىڭ چەمپيونى اتانعان. ەۋەسقوي بوكستا 2013 جىلى ەلەم چەمپيونى, 2013 جەنە 2015 جىلدارى ازييا چەمپيونى بولعان.
