«دامۋ» قورىن «الداماق بولعان» كەسٸپكەرلەر جايلى ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا «دامۋ» قورىنىڭ باسقارما تٶراعاسىنىڭ ورىنباسارى فارحات سەرسەكەەۆ ايتىپ بەردٸ, دەپ حابارلايدى قازاقپارات.
«2019 جىلى قاراجاتتى ماقساتسىز 20 قارىز الۋشى پايدالانعان. ەكونوميكا سالاسى بويىنشا بەرگەن ٶتٸنٸمٸنەن تىس بيزنەس باستاماق بولعان 15 قارىز الۋشى انىقتالدى. سول سەكٸلدٸ جۇمىس ورىندارىن اشىپ, سالىق تٶلەۋ جاعىنان مٸندەتتەمەلەرٸن ورىنداي الماعاندار كەزدەستٸ», - دەدٸ فارحات سەرسەكەەۆ.
ونىڭ ايتۋىنشا, 2019 جىلى بانكتەر مەن ميكرونەسيەلٸك ۇيىمدارعا تالداۋ جاسالعان.
«بٸزدٸڭ قارىز الۋشىلاردان قاراجاتتى ماقساتسىز پايدالانۋ بويىنشا 2,2 ملرد تەڭگە قايتارىلدى. كەيدە قاراجاتتى ماقساتسىز پايدالانۋ جاعدايى كەزدەسەدٸ. مەسەلەن, بٸر ٶتٸنٸش يەسٸ مەكتەپ نەمەسە بالاباقشا سالۋعا ٶتٸنٸم بەرٸپ, ونىڭ نىسانى قۇرىلىس بارىسىندا ول مەيرامحاناعا نەمەسە دەمحاناعا اينالىپ كەتۋٸ مٷمكٸن. الايدا مەملەكەتتٸك قولداۋ تۇرعىسىنان مەيرامحانا نەمەسە دەمحانا باسىمدىققا يە سالا ەمەس. تيٸسٸنشە, مۇنداي جاعدايدا ٶتٸنٸش يەسٸنە باس تارتۋعا تۋرا كەلەدٸ. سەبەبٸ, مەملەكەت باسىمدىققا يە سالالاردى بەكٸتٸپ قويعان», - دەدٸ ول.
فارحات سەرسەكەەۆ مەملەكەت باسىمدىققا يە سالالاردى بەكٸتۋٸنٸڭ ٶز سەبەبٸ بارىن ايتادى.
«مەسەلەن, تاۋاردى شەكسٸز يمپورتتاي بەرمەي, ٶز ەلٸمٸزدە ٶندٸرٸلۋٸ كەرەكتٸ ٶنٸمدەرگە جەڭٸلدەتٸلگەن نەسيە بەرٸلەدٸ. الايدا كەسٸپكەرلەردٸڭ جوبانى جٷزەگە اسىرۋ بارىسىندا جوسپارلارى ٶزگەرٸپ كەتەتٸن كەزدەر بولادى. مۇنداي جاعدايدى, ەلبەتتە, بٸز قاراجاتتىڭ ماقساتسىز پايدالانۋىنا جاتقىزامىز», - دەدٸ ول.
