قازاقستاندىق فايتەر دامير ىسماعۇلوۆ (19-1) UFC-دەگٸ تٶرتٸنشٸ جەكپە-جەگٸن ٶتكٸزدٸ, دەپ حابارلادى "ۇلت اقپارات".
ول اقش-تىڭ لاس-ۆەگاس قالاسىندا UFC Fight Night 188 تۋرنيرٸنە قاتىسىپ, برازيلييالىق رافاەل الۆەسپەن (19-9) جەكپە-جەك ٶتكٸزدٸ.
جەڭٸل سالماقتاعى جەكپە-جەك ٷش راۋندقا ەسەپتەلٸپ, تٶرەشٸلەردٸڭ بٸراۋىزدان شەشٸمٸمەن ىسماعۇلوۆتىڭ جەڭٸسٸمەن اياقتالدى. دەگەنمەن قازاق سپورتشىسى بٸرٸنشٸ راۋندتا نوكداۋنعا تٷسٸپ قالدى.
وسىلايشا دامير ىسماعۇلوۆ كارەراسىنداعى جيىرماسىنشى جەڭٸسٸنە قول جەتكٸزدٸ, رافاەل الۆەس ونىنشى رەت جەڭٸلدٸ.
سونىمەن قاتار, ىسماعۇلوۆ سەگٸزبۇرىشتا الۆەسكە ونىڭ جەكپە-جەك الدىنداعى ەرەكەتٸ ٷشٸن جاۋاپ بەردٸ: برازيلييالىق ارانداتۋشى ۆيدەو جارييالاعان بولاتىن. وندا الۆەس ەگەۋقۇيرىقتى ٶلتٸرٸپ, كەمٸرگٸش ەمودزيٸنٸڭ جوعارى جاعىنا قازاقستان تۋىن ٸلٸپ قويعان.
نەتيجەسٸندە الۆەس كەشٸرٸم سۇراپ, ىسماعۇلوۆقا ەلەۋمەتتٸك جەلٸدە حابارلاما جازدى.
