Qazaqstandyq faiter Damir Ysmaǵulov (19-1) UFC-degi tórtinshi jekpe-jegin ótkizdi, dep habarlady "Ult aqparat".
Ol AQSh-tyń Las-Vegas qalasynda UFC Fight Night 188 týrnirine qatysyp, braziliialyq Rafael Alvespen (19-9) jekpe-jek ótkizdi.
Jeńil salmaqtaǵy jekpe-jek úsh raýndqa eseptelip, tóreshilerdiń biraýyzdan sheshimimen Ysmaǵulovtyń jeńisimen aiaqtaldy. Degenmen qazaq sportshysy birinshi raýndta nokdaýnǵa túsip qaldy.
Osylaisha Damir Ysmaǵulov karerasyndaǵy jiyrmasynshy jeńisine qol jetkizdi, Rafael Alves onynshy ret jeńildi.
Sonymen qatar, Ysmaǵulov segizburyshta Alveske onyń jekpe-jek aldyndaǵy áreketi úshin jaýap berdi: braziliialyq arandatýshy video jariialaǵan bolatyn. Onda Alves egeýquiryqty óltirip, kemirgish emodziiniń joǵary jaǵyna Qazaqstan týyn ilip qoiǵan.
Nátijesinde Alves keshirim surap, Ysmaǵulovqa áleýmettik jelide habarlama jazdy.
