ۇلىبريتانييا مەن يرلاندييادا Covid-19 ٶرشٸپ تۇر. يتالييادا كٷن سايىن كوۆيد-سەرتيفيكات ەنگٸزۋگە قارسىلىق تانىتۋشىلار شەرۋگە شىعىپ جاتىر, ال رۋمىنيياداعى اۋرۋحانالار COVID-19 اۋىر تٷرٸنە شالدىققان ناۋقاستارعا تولىپ تۇر. بۇل تۋرالى قازاقپارات Euronews-كە سٸلتەمە جاساپ حابارلايدى.
ۇلىبريتانييادا Covid-19 ٶرشٸپ كەتتٸ. سوڭعى اپتادا كٶرسەتكٸش 16%-عا ٶسكەن. ساراپشىلار بۇل جاعدايدى كوروناۆيرۋس جاڭا شتامىنىڭ تارالۋىمەن بايلانىستىردى. AY.4.2 تٷرٸ شٸلدە ايىندا انىقتالدى, ال قازٸر ينفەكتسييامەن تٷسكەن بارلىق ناۋقاستىڭ 6%-ى وسى شتامعا تيەسٸلٸ. بٸر تەۋلٸك ٸشٸندە 223 ناۋقاس قايتىس بولدى, بۇل ناۋرىز ايىنان بەرٸ تٸركەلگەن جوعارعى كٶرسەتكٸش.
سونىمەن بٸرگە, ۇلىبريتانييا بيلٸگٸ جاڭا سانيتارلىق شەكتەۋ ەنگٸزۋدٸ ەلٸ جوسپارلاپ وتىرعان جوق.
يتالييادا كٷن سايىن كوۆيد سەرتيفيكاتتاردى ەنگٸزۋگە قارسىلىق تانىتۋشىلار شەرۋٸ ٶتٸپ جاتىر. تريەستا پورتىندا پوليتسييا ەلدٸڭ تٷكپٸر-تٷكپٸرٸنەن كەلگەن نارازىلىق بٸلدٸرۋشٸلەردٸ تاراتۋ ٷشٸن سۋ شاشاتىن قۇرىلعى قولداندى. اكتسيياعا قاتىسۋشىلار تٶرت كٷن بويى پورت قاقپاسىن جاۋىپ تاستادى.
يرلاندييادا ۇزاق ۋاقىت شەكتەۋلەردەن كەيٸن تٷنگٸ كلۋبتار اشىلا باستادى, بٸراق ەل بيلٸگٸ اۋرۋحانالاردىڭ لىق تولۋى مەن اۋرۋعا شالدىققاندار سانىنىڭ ٶسۋٸنە بايلانىستى كٶپتەگەن سانيتارلىق شارالاردى الىپ تاستاۋ جوسپارىن قايتا قارادى.
رۋمىنييا اۋرۋحانالارىندا COVID-19 اۋىر تٷرٸنە شالدىققان ناۋقاستارعا ورىن جەتٸسپەي جاتىر. بيلٸك موبيلدٸ گوسپيتالدەر ۇيىمداستىرىپ جاتىر, بٸراق ولار دا ناۋقاستاردى قابىلداپ ٷلگەرمەي جاتىر, دەپ جازادى Euronews .
ەلدە 1 750 ادام جانساقتاۋ بٶلٸمٸندە جاتىر. كەيبٸر ناۋقاستار بٸرنەشە كٷن بويى جەدەل جەردەم كٶلٸگٸندە ٶكپەنٸ جاساندى جەلدەتۋ اپپاراتىنا قوسىلعان. كەيبٸرەۋلەرٸ اۋرۋحاناعا كٸرمەستەن قايتىس بولۋدا. ونىڭ سەبەبٸ - ۆاكتسيناتسييانىڭ تٶمەندٸگٸ. رۋمىنييا ەۋرووداقتاعى ۆاكتسينا الۋ قارقىنى ەڭ تٶمەن مەملەكەت. 19 ميلليوننان استام حالقى بار ەلدە تۇرعىنداردىڭ 35,2%-ى ەكپەنٸڭ كەم دەگەندە بٸر دوزاسىن العان, 29,4%-ى تولىعىمەن ەگٸلگەن.
