سەنبٸ, 10 سەۋٸردە قازاقستاندا 2842 ادامنىڭ اناليزٸنەن كوروناۆيرۋس ينفەكتسيياسى انىقتالدى. بۇل – بۇرىن-سوڭدى بولماعان كٶرسەتكٸش. رەسپۋبليكا بويىنشا تٸركەلگەن ناۋقاستاردىڭ مىڭنان استامى الماتى قالاسى مەن وبلىسىنىڭ ٷلەسٸندە.
كوروناۆيرۋس ناۋقاستارىنىڭ جالپى سانى جٶنٸنەن بٸرٸنشٸ ورىندا تۇرعان الماتىدا بٸر كٷندە 709 ناۋقاس تٸركەلگەن. قالادا 9 سەۋٸردە 715, 8 سەۋٸردە 717 ناۋقاس انىقتالعان ەدٸ. قالانى قورشاي ورنالاسقان الماتى وبلىسىندا – 355 ناۋقاس. ەكەۋٸن قوسقاندا Covid ينفەكتسيياسى بٸر عانا كٷننٸڭ ٸشٸندە 1064 ادامنان انىقتالعان بولادى. بۇل – رەسپۋبليكا كٶرسەتكٸشٸنٸڭ 37,4 پايىزى.
ەكٸنشٸ ورىندا تۇرعان نۇر-سۇلتاندا Covid جۇقتىرعانى راستالعاندار قاتارىنا 591 ادام قوسىلعان. بۇل – ٸندەت باستالعالى ەڭ جوعارعى كٶرسەتكٸش. وسىعان دەيٸنگٸ رەكورد 7 سەۋٸردە ورناعان. ول كٷنٸ 578 ناۋقاس شىققان. اقمولا وبلىسىندا كوروناۆيرۋس 103 ادامنىڭ اناليزٸنەن انىقتالدى.
بۇدان بٶلەك, قاراعاندى وبلىسىندا 210, اقتٶبە وبلىسىندا 202 ناۋقاس, اتىراۋ وبلىسىندا 131, باتىس قازاقستان وبلىسىندا 127 ناۋقاس تٸركەلٸپ وتىر. قالعان ايماقتاردا بٸر كٷندە انىقتالعان ناۋقاس سانى جٷزگە جەتپەيدٸ. ەڭ تٶمەنگٸ كٶرسەتكٸش – تٷركٸستان وبلىسىندا. وندا تەۋلٸك ٸشٸندە 24 ادامنىڭ پتر تەستٸ وڭ شىققان.
بٸر كٷندە كوروناۆيرۋس جۇقتىرعانى راستالعاندار اراسىندا 1222 ادام جازىلىپ شىققان.
ەلدە ٸندەت باستالعالى بارلىعى 269 519 ادامنان كوروناۆيرۋس ينفەكتسيياسى انىقتالعان. ونىڭ 234 مىڭى جازىلىپ شىققان, 3221-ٸ قايتىس بولعان. بۇل ستاتيستيكاعا كوروناۆيرۋس جۇقتىرعانى راستالعان, بٸراق "ٶزگە اۋرۋدان قايتىس بولدى" دەگەن ادامدار كٸرمەيدٸ.
11 سەۋٸردەگٸ دەرەكتەرگە سەيكەس, كورونوۆيرۋستان 32 899 ادام (32 241 كۆي+ جەنە 658 كۆي-) ەمدەلٸپ جاتىر. ولاردىڭ ٸشٸندە 12 003 پاتسيەنت ستاتسيوناردا, 20 896 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
- 546 ادامنىڭ جاعدايى اۋىر;
- 163 پاتسيەنتتٸڭ جاعدايى ٶتە اۋىر;
- 99 ناۋقاس ٶكپەنٸ جاساندى جەلدەتۋ اپپاراتىنا قوسىلعان.
1 سەۋٸر كٷنٸ Qazaq Times باسىلىمى وسى مەكەمەگە سٸلتەي وتىرىپ, 2020 جىلعى 1 ناۋرىزدان باستاپ 2021 جىلعى 29 ناۋرىزعا دەيٸن كوروناۆيرۋس جۇقتىرعانى انىقتالعان 1619 ادامنىڭ "ٶزگە اۋرۋدان قايتىس بولعانىن" حابارلادى.
قازاقستان ٷكٸمەتٸ بىلتىر تامىزدان بەرٸ ۆيرۋس جۇقتىرعانى پتر تەستٸمەن راستالماعان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸن جٷرگٸزٸپ كەلەدٸ. سودان بەرٸ ەلدە بارلىعى 51 362 ادام پنەۆمونييانىڭ وسى تٷرٸمەن تٸركەلگەن. ونىڭ 727-سٸ قايتىس بولعان. بۇل دەرەك كوروناۆيرۋستىڭ رەسمي ستاتيستيكاسىنان بٶلەك جٷرگٸزٸلەدٸ.
11 سەۋٸردەگٸ مەلٸمەت بويىنشا, ەلدە 313 611 ادام "سپۋتنيك V" ەكپەسٸنٸڭ بٸرٸنشٸ دوزاسىن السا, 104 889 ازامات ەكٸ دوزاسىن دا العان. كوروناۆيرۋسقا قارسى ٶزگە ۆاكتسينالار سەكٸلدٸ "سپۋتنيك V" ەكپەسٸ دە ەكٸ دوزادان تۇرادى. ەكٸنشٸسٸ بٸرٸنشٸسٸنەن كەيٸن 21 كٷن ٶتكەندە سالىنادى.
