ٶتكەن تەۋلٸكتە قازاقستاندا كوروناۆيرۋس جۇقتىرعان 5 222 ادام تٸركەلدٸ. 28 تامىزدا تەستٸ كەرٸ نەتيجە بەرسە دە, كلينيكالىق بەلٸلەرٸ بويىنشا "كوۆيدتەكتەس پنەۆمونييا" دياگنوزى قويىلعان 63 ناۋقاس ەسەپكە الىندى.
قازاقستاندا كوروناۆيرۋس ٸندەتٸنٸڭ كەزەكتٸ تولقىنى جٷرٸپ جاتىر, بيلٸك ٶكٸلدەرٸنٸڭ ايتۋىنشا, بۇعان ينكۋباتسييالىق كەزەڭٸ ٶتە قىسقا "دەلتا" شتامىنىڭ كەڭ تاراۋى سەبەپ. ونىڭ تاعى بٸر ايىرماسى – كوروناۆيرۋستان جاستار دا قاتتى اۋىرۋى مٷمكٸن.
قازٸر ۆيرۋس تاراۋ جىلدامدىعى بويىنشا تٷركٸستان وبلىسىنان باسقا ٶڭٸرلەردٸڭ بەرٸ "قىزىل ايماقتا" تۇر.
30 تامىز تاڭداعى رەسمي دەرەك بويىنشا, ٸندەت باستالعالى كوروناۆيرۋس جۇقتىرعانى زەرتحانادا دەلەلدەنگەن 785 مىڭنان استام ناۋقاس تٸركەلگەن. وسى اۋرۋدان 9 222 ادام قايتىس بولعان. كەشە كوروناۆيرۋستان تاعى 104 ادام, ال وعان ۇقساس پنەۆمونييادان 20 ادام كٶز جۇمدى.
بىلتىرعى 1 تامىزدان بەرگٸ رەسمي ستاتيستيكاعا سەنسەك, "كوۆيدتەكتەس پنەۆمونييامەن" اۋىرعان 69 693 ادام تٸركەلگەن, 4 406 ادام قايتىس بولعان.
قازٸر قازاقستاندا 116 مىڭداي ادام كوروناۆيرۋس پەن وعان ۇقساس پنەۆمونييادان ەمدەلٸپ جاتىر. 1 793 ناۋقاستىڭ حالٸ ناشار, 495-ٸنٸڭ جاعدايى ٶتە ناشار, 232 ادام ٶكپە جەلدەتۋ اپپاراتىنا قوسىلعان.
سونداي-اق, 29 تامىزداعى مەلٸمەت بويىنشا, ەلدە كوروناۆيرۋس ينفەكتسيياسىنا قارسى ۆاكتسينانىڭ 1-شٸ كومپونەنتٸن - 6 611 018, 2-شٸ كومپونەنتٸن 5 339 029 ادام سالدىرعان.
اقش-تاعى دجونس حوپكينس ۋنيۆەرسيتەتٸنٸڭ دەرەگٸ بويىنشا, ەلەمدە 216 ميلليوننان استام ادام كوروناۆيرۋس جۇقتىرعان, 4,5 ميلليون ناۋقاس وسى دەرتتەن قايتىس بولعان.
