7 قىركٷيەكتە قازاقستاندا 3639 ادامنان كوروناۆيرۋس انىقتالدى. ولاردىڭ بارلىعىنىڭ پتر تەستٸ وڭ كٶرسەتكەن. دەنساۋلىق ساقتاۋ مينيسترلٸگٸنٸڭ سەرسەنبٸ كٷنگٸ حابارلاماسىندا وسىنداي مەلٸمەت جازىلعان.
ەلدە ٸندەتتٸڭ بەتٸ قايتقانى بايقالادى. وسى اپتادان باستاپ كوروناۆيرۋس بويىنشا كٷندٸك كٶرسەتكٸش شٸلدە مەن تامىز ايلارىنان بەرٸ العاش رەت 4 مىڭنان تٶمەن تٷستٸ.
ٶتكەن تەۋلٸكتە الماتىدا – 911, قاراعاندى وبلىسىندا – 350, نۇر-سۇلتاندا – 326, الماتى وبلىسىندا – 265, پاۆلودار وبلىسىندا – 218, اقمولا وبلىسىندا – 217, اقتٶبە وبلىسىندا 207 ناۋقاس تٸركەلگەن. قالعان قالالار مەن وبلىستاردا كوروناۆيرۋسقا شالدىققاندار 200-گە جەتپەيدٸ.
2020 جىلدىڭ ناۋرىز ايىنان بەرٸ قازاقستاندا 824 مىڭ ادامنىڭ كوروناۆيرۋس تەستٸ وڭ شىققان. 734 مىڭى جازىلعان. كەشە, 7 قىركٷيەكتە 6894 ادام ايىققان.
قازاقستاندا پنەۆمونييانىڭ كوروناۆيرۋسقا ۇقساس تٷرٸنە شالدىققاندار Covid ستاتيستيكاسىنا ەنگٸزٸلمەي, بٶلەك ەسەپتەلەدٸ. بٸراق حالىقارالىق ساراپشىلار ونى كوروناۆيرۋس دەپ ەسەپتەيدٸ. 6 قىركٷيەكتە قازاقستاندا 342 ادامنىڭ كوروناۆيرۋس پنەۆمونيياسىنا شالدىققانى انىقتالعان. 2020 جىلدىڭ 1 تامىزىنان بەرٸ 71 مىڭ ادام وسى اۋرۋمەن اۋىرعان. 59 مىڭى جازىلعان.
ٸندەت باستالعالى بەرٸ كوروناۆيرۋس تەستٸ وڭ شىققاندار اراسىندا 9987 ادام ٶلٸمٸ تٸركەلگەن. 6 قىركٷيەكتە 72 ادام قايتىس بولعان. 2020 جىلدىڭ تامىزىنان بەرٸ 4,5 مىڭ ادام كوروناۆيرۋس پنەۆمونيياسىنان كٶز جۇمعان. 10-ى ەكٸ كٷن بۇرىن قايتىس بولعان.
قازٸر 87 015 ادام كوروناۆيرۋس ينفەكتسيياسىنان (–79 248 + جەنە 7 767 كۆي-) ەمدەلٸپ جاتىر. ولاردىڭ ٸشٸندە 18 333 پاتسيەنت ستاتسيوناردا, 68 682 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 377 ادامنىڭ جاعدايى اۋىر,
• 378 پاتسيەنتتٸڭ جاعدايى ٶتە اۋىر,
• 197 ناۋقاس جاساندى تىنىس الۋ اپپاراتىندا جاتىر.
رەسپۋبليكاداعى ينفەكتسييالىق جەنە رەانيماتسييالىق ورىنداردىڭ 36 پايىزى بوس ەمەس. جالپى 18,3 مىڭ ورىن بار, 1755-ٸندە ناۋقاستار جاتىر.
19 ملن حالقى بار قازاقستاندا 5,7 ملن ادام ۆاكتسينانىڭ تولىق دوزاسىن العان. 1,2 ملن ادامعا بٸر دوزاسى عانا سالىنعان.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, ٸندەت باستالعالى بەرٸ ەلەمدە 221 ميلليوننان استام ادام كوروناۆيرۋسپەن اۋىرعان, 4,5 ميلليونى قايتىس بولعان.
