7 qyrkúiekte Qazaqstanda 3639 adamnan koronavirýs anyqtaldy. Olardyń barlyǵynyń PTR testi oń kórsetken. Densaýlyq saqtaý ministrliginiń sársenbi kúngi habarlamasynda osyndai málimet jazylǵan.
Elde indettiń beti qaitqany baiqalady. Osy aptadan bastap koronavirýs boiynsha kúndik kórsetkish shilde men tamyz ailarynan beri alǵash ret 4 myńnan tómen tústi.
Ótken táýlikte Almatyda – 911, Qaraǵandy oblysynda – 350, Nur-Sultanda – 326, Almaty oblysynda – 265, Pavlodar oblysynda – 218, Aqmola oblysynda – 217, Aqtóbe oblysynda 207 naýqas tirkelgen. Qalǵan qalalar men oblystarda koronavirýsqa shaldyqqandar 200-ge jetpeidi.
2020 jyldyń naýryz aiynan beri Qazaqstanda 824 myń adamnyń koronavirýs testi oń shyqqan. 734 myńy jazylǵan. Keshe, 7 qyrkúiekte 6894 adam aiyqqan.
Qazaqstanda pnevmoniianyń koronavirýsqa uqsas túrine shaldyqqandar Covid statistikasyna engizilmei, bólek esepteledi. Biraq halyqaralyq sarapshylar ony koronavirýs dep esepteidi. 6 qyrkúiekte Qazaqstanda 342 adamnyń koronavirýs pnevmoniiasyna shaldyqqany anyqtalǵan. 2020 jyldyń 1 tamyzynan beri 71 myń adam osy aýrýmen aýyrǵan. 59 myńy jazylǵan.
Indet bastalǵaly beri koronavirýs testi oń shyqqandar arasynda 9987 adam ólimi tirkelgen. 6 qyrkúiekte 72 adam qaitys bolǵan. 2020 jyldyń tamyzynan beri 4,5 myń adam koronavirýs pnevmoniiasynan kóz jumǵan. 10-y eki kún buryn qaitys bolǵan.
Qazir 87 015 adam koronavirýs infektsiiasynan (–79 248 + jáne 7 767 KVI-) emdelip jatyr. Olardyń ishinde 18 333 patsient statsionarda, 68 682 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 1 377 adamnyń jaǵdaiy aýyr,
• 378 patsienttiń jaǵdaiy óte aýyr,
• 197 naýqas jasandy tynys alý apparatynda jatyr.
Respýblikadaǵy infektsiialyq jáne reanimatsiialyq oryndardyń 36 paiyzy bos emes. Jalpy 18,3 myń oryn bar, 1755-inde naýqastar jatyr.
19 mln halqy bar Qazaqstanda 5,7 mln adam vaktsinanyń tolyq dozasyn alǵan. 1,2 mln adamǵa bir dozasy ǵana salynǵan.
Amerikalyq Djons Hopkins ýniversitetiniń málimetinshe, indet bastalǵaly beri álemde 221 millionnan astam adam koronavirýspen aýyrǵan, 4,5 milliony qaitys bolǵan.
