قازاقستاندا كوروناۆيرۋس پەن پنەۆمونييا ستاتيستيكاسى بٸرٸكتٸرٸلەتٸن بولدى. وسىعان قاتىستى «استانا» مەديتسينالىق ۋنيۆەرسيتەتٸنٸڭ پروفيلاكتيكالىق مەديتسينا جەنە تاماقتانۋ كافەدراسىنىڭ مەڭگەرۋشٸسٸ ەربولات دەلەنوۆ پٸكٸر بٸلدٸردٸ, دەپ حابارلايدى قازاقپارات.
«دەنساۋلىق ساقتاۋ مينيسترٸنٸڭ وسىنداي شەشٸم شىعارعانى دۇرىس بولدى. دٷنيەجٷزٸلٸك دەنساۋلىق ساقتاۋ ۇيىمى دا جازدى كٷنٸ بولاتىن پنەۆمونييانىڭ 80-90%-ى كوروناۆيرۋس ەكەنٸن ايتقان بولاتىن. سوvid-19 پەن پنەۆمونييا بٸر اۋرۋ بولعاندىقتان ەمدەۋ جولى دا بٸردەي بولۋى كەرەك. ەمدەۋ جولى بٸردەي بولعاندا عانا دەرتتٸ جەڭە الامىز», - دەيدٸ ەربولات دەلەنوۆ.
ونىڭ ايتۋىنشا, بۇدان كەيٸن مازمۇندى ەرٸ دۇرىس جۇمىس بولادى.
«بۇل پنەۆمونييانىڭ قاراپايىم پنەۆمونييادان ايىرماشىلىعى - دەنە قىزۋى بولمايتىندىقتان ٶكپە قابىنىپ, قىزمەتٸن توقتاتقانىن ادام سەزبەي قالادى. دەنە قىزۋى 38-39 بولعان كەزدە پيروگەندٸ زاتتار بٶلٸنەدٸ. ول جاقسى بٶلٸنسە ادامدى تابيعي جولمەن امان الىپ قالادى. يممۋنيتەتٸ ەلسٸز ادامدا پيروگەندٸ زاتتار از بٶلٸنٸپ, پنەۆمونيياعا اينالىپ كەتەدٸ», - دەيدٸ ول.
ەسكە سالا كەتەيٸك, كەشە قر پرەزيدەنتٸ قاسىم-جومارت توقاەۆ ٷكٸمەتكە پاندەمييانىڭ ستاتيستيكاسىن بٸرٸزدەندٸرۋدٸ مٸندەتتەگەن بولاتىن. بٷگٸن قازاقستاندا كوروناۆيرۋس پەن پنەۆمونييا ستاتيستيكاسى بٸرٸكتٸرٸلەتٸنٸ حابارلاندى.
