ەلەمدە كوروناۆيرۋستىڭ جاڭا شتامدارىنىڭ پايدا بولۋىنا بايلانىستى ەۋروپادا كەزەكتٸ شەكتەۋ شارالارى ەنگٸزٸلۋدە, دەپ حابارلايدى Euronews اگەنتتٸگٸ.
گەرمانييا ٷكٸمەتٸ كوروناۆيرۋس كٶپ انىقتالىپ جاتقان مەملەكەتتەردٸڭ ساياحاتشىلارىنىڭ ەلگە كەلۋٸنە تىيىم سالماقشى. بۇل رەتتە تٸزٸمدە پورتۋگالييا, ۇلىبريتانييا, وار, برازيلييا سيياقتى مەملەكەتتەر تۇر. شەكارادان ٶتۋگە رۇقسات تەك جٷك تاسىمالداۋشىلارعا عانا بەرٸلۋٸ مٷمكٸن.
«بٸزگە تاپ قازٸر ەرەكەت ەتۋ كەرەك», - دەپ مەلٸمدەدٸ ٸشكٸ ٸستەر مينيسترٸ حورست زەەحوفەر.
«قولدا بار اقپاراتتارعا قاراعاندا, بٸز الداعى ۋاقىتتا جوسپارىمىزعا سەيكەس كەلەتٸن شەشٸمدەردٸ جالپىەۋروپالىق دەڭگەيدە قابىلداي المايمىز. سوندىقتان دا بٸز قازٸر ۇلتتىق دەڭگەيدەگٸ شارالاردى قولعا الىپ جاتىرمىز», - دەدٸ ول.
جۇما كٷنٸ بيلٸك ٶكٸلدەرٸ ٶزدەرٸنٸڭ ناقتى ۇستانىمدارىن حاباردار ەتەدٸ. نورۆەگييا ٶزٸنٸڭ شەكاراسىن جاباتىنى تۋرالى مەلٸمدەدٸ. ەلگە كٸرۋ تەك اسا قاتتى قاجەتتٸلٸك تۋىنداعاندا عانا رۇقسات ەتٸلەدٸ. بيلٸك ٶكٸلدەرٸ تاۋار تاسىمالداۋعا رۇقسات بەردٸ. سونىمەن قاتار شۆەتسييا مەن فينلياندييادان كەلەتٸن مەديتسينا ماماندارىنىڭ ەلگە كٸرۋٸنە بولادى.
پرەمەر-مينيستر ەرنا سۋلبەرگ: «قاڭتاردىڭ 29-نا قاراعان تٷنٸ بٸز نورۆەگيياعا كٸرۋدٸڭ ەڭ قاتاڭ ەرەجەلەرٸن ەنگٸزەمٸز. ٸس جٷزٸندە شەكارا بٸزدٸڭ ەلٸمٸزدە تۇرمايتىن ازاماتتاردىڭ بارلىعى ٷشٸن جابىلادى», - دەدٸ.
ول سونىمەن قاتار اسا قاجەتتٸ تاۋارلار بۇرىنعىسىنشا نورۆەگيياعا جەتكٸزٸلە بەرەتٸنٸن جەنە ەرەكشە قاجەت قىزمەت تٷرلەرٸ دە كٶرسەتٸلەتٸنٸن ايتتى. ال, ەڭبەك ميگرانتتارى كەلەسٸ اپتادا ەلگە كەلە المايدى. بۇل تەرتٸپ ەكٸ اپتادان سوڭ قايتا قارالادى.
لوندون بولسا, بٸرٸككەن كورولدٸككە پورتۋگالييادان, وڭتٷستٸك امەريكا ەلدەرٸ مەن افريكا مەملەكەتتەرٸنەن كەلۋشٸلەرگە مٸندەتتٸ كارانتين ەنگٸزبەك. ادامدار 10 كٷن بويى مەيمانحانادان شىقپاي جاتادى. تەرتٸپ بۇزعاندارعا ايىپپۇل سالىنادى.
مۇنداعى ماقسات – كورولدٸككە جاڭا جەنە ٶتە قاۋٸپتٸ ۆيرۋس شتامدارىن جۇقتىرعانداردىڭ اۋرۋدى ەلگە تاراتۋىنىڭ الدىن الۋ. ەگجەي-تەگجەيلٸ جوسپاردى بيلٸك ٶكٸلدەرٸ كەلەسٸ اپتادا ۇسىنباق.
وسىعان دەيٸن اتالعان تالاپتاردىڭ اۋسترالييا مەن جاڭا زەلاندييادا دا ەنگٸزٸلگەنٸ حابارلاندى.
