بٸرەگەي تسيرك شوۋىمەن بٷكٸل ەلەمگە تانىمال Cirque du Soleil بانكروتقا ۇشىراعانىن جارييالادى. بۇل تۋرالى Cirque du Soleil Entertainment Group كومپانيياسىنىڭ رەسمي سايتىندا جازىلدى, دەپ حابارلايدى "ۇلت اقپارات".
باس كەڭسەسٸ كانادانىڭ مونرەال قالاسىندا ورنالاسقان تسيرك 1 ملرد اقش دوللارىنان اساتىن قارىزىن جابا الماي وتىر. «سوڭعى ايلاردا كوروناۆيرۋس پاندەميياسىنا بايلانىستى تسيركتٸڭ بارلىق شوۋلارى جابىلىپ, ەشقانداي تابىس تٷسپەدٸ», - دەيدٸ Cirque du Soleil Entertainment Group باسشىسى دانيەل لامارر.
CNN مەلٸمەتٸنشە, كومپانييا باسشىلىعى سوڭعى 36 جىل بويى جۇمىس ٸستەپ كەلە جاتقان تسيرك پەن ونىڭ قىزمەتكەرلەرٸنٸڭ بولاشاعىن ساقتاپ قالۋ ٷشٸن بارىن سالىپ جاتىر. تسيرك جابىلىپ قالماۋ ٷشٸن قىزمەتكەرلەردٸڭ 95% نەمەسە 3,5 مىڭ ادام جۇمىستان بوساتىلماق. قىسقارتىلعان قىزمەتكەرلەردٸ قولداۋ ٷشٸن 15 ملن دوللار بٶلٸنەدٸ. كومپانييانىڭ مەلٸمدەۋٸنشە, قىسقارتۋ – ۋاقىتشا شارا. تسيرك شوۋلار مەن گاسترولدٸك ساپارلاردى باستاعاننان كەيٸن ولاردىڭ باسىم بٶلٸگٸ قايتا جۇمىسقا قابىلدانادى. سونداي-اق, كومپانييا دايىندالعان بيزنەس-جوسپارعا سەيكەس قايتا قۇرىلىمداۋعا 300 ميلليون سالۋدى جوسپارلاپ وتىر.
