Biregei tsirk shoýymen búkil álemge tanymal Cirque du Soleil bankrotqa ushyraǵanyn jariialady. Bul týraly Cirque du Soleil Entertainment Group kompaniiasynyń resmi saitynda jazyldy, dep habarlaidy "Ult aqparat".
Bas keńsesi Kanadanyń Monreal qalasynda ornalasqan tsirk 1 mlrd AQSh dollarynan asatyn qaryzyn jaba almai otyr. «Sońǵy ailarda koronavirýs pandemiiasyna bailanysty tsirktiń barlyq shoýlary jabylyp, eshqandai tabys túspedi», - deidi Cirque du Soleil Entertainment Group basshysy Daniel Lamarr.
CNN málimetinshe, kompaniia basshylyǵy sońǵy 36 jyl boiy jumys istep kele jatqan tsirk pen onyń qyzmetkerleriniń bolashaǵyn saqtap qalý úshin baryn salyp jatyr. Tsirk jabylyp qalmaý úshin qyzmetkerlerdiń 95% nemese 3,5 myń adam jumystan bosatylmaq. Qysqartylǵan qyzmetkerlerdi qoldaý úshin 15 mln dollar bólinedi. Kompaniianyń málimdeýinshe, qysqartý – ýaqytsha shara. Tsirk shoýlar men gastroldik saparlardy bastaǵannan keiin olardyń basym bóligi qaita jumysqa qabyldanady. Sondai-aq, kompaniia daiyndalǵan biznes-josparǵa sáikes qaita qurylymdaýǵa 300 million salýdy josparlap otyr.
