UEFA چەمپيوندار ليگاسى 2020/2021 جىلعى كەزەڭٸنٸڭ فينالىندا قاي كوماندالاردىڭ سىنعا تٷسەتٸنٸ تولىقتاي انىقتالدى, دەپ حابارلايدى "ۇلت اقپارات".
بٷگٸن گەرمانييانىڭ «باۆارييا» جەنە فرانتسييانىڭ «ليون» كوماندالارى كەزدەستٸ. جانكٷيەرلەر جەڭٸسكە نەمٸس كلۋبى جەتەدٸ دەگەن بولجام جاساپ قويعان ەدٸ.
تەجٸريبەلٸ ۇجىمنىڭ قاتارىندا سانالاتىن «باۆارييا» بۇل جولى دا سىر بەرگەن جوق. فرانتسۋز فۋتبولشىلارى العاشقى مينۋتتاردا باسىمدىعىن بايقاتتى. ۋاقىت ٶتە كەلە نەمٸس كومانداسى تٸزگٸندٸ ٶز قولىنا الدى.
«باۆارييا» ساپىنان جاس شابۋىلشى سەرج گنابري ەڭبەكقورلىعىمەن كٶزگە تٷستٸ. ول 18 جەنە 33-مينۋتتارىندا قوس گولدىڭ اۆتورى اتاندى.
ەكٸنشٸ كەزەڭدە ويىن الما-كەزەك شابۋىلىمەن ٶربٸدٸ. دەسە دە ەكٸ كوماندا تاراپىنان گول سوعاتىن كٶپتەگەن مٷمكٸندٸكتەر بوسقا كەتتٸ. ويىننىڭ 88-مينۋتىندا «باۆارييا» شابۋىلشىسى روبەرت لەۆاندوۆسكي كەزدەسۋدٸڭ نٷكتەسٸن قويدى. وسىلايشا «باۆارييا» قارسىلاسىنان 3:0 ەسەبٸمەن باسىم تٷستٸ.
بۇدان بۇرىن فرانتسييانىڭ «پاري سەن-جەرمەن» كومانداسى گەرمانييانىڭ «لەيپتسيگ» كلۋبىنان 3:0 ەسەبٸمەن باسىم تٷستٸ. وسىلايشا فرانتسييالىق فۋتبولشىلار فينالعا جولداما الدى.
ايتا كەتەر بولساق, چەمپيوندار ليگاسىنىڭ شيرەك فينالىنان باستاپ قالعان بٶلٸگٸ پورتۋگالييا استاناسى - ليسسابون قالاسىندا ٶتٸپ جاتىر. ول سەگٸزدٸك فينالى فورماتىندا وينالۋدا. فينال 23 تامىزدا ٶتكٸزٸلەدٸ. وندا «باۆارييا» جەنە «پاري سەن-جەرمەن» كوماندالارى سىنعا تٷسەدٸ.
