رومان ابراموۆيچتٸڭ "چەلسي" فۋتبول كلۋبى امەريكالىق ميللياردەر تودد بوەليدٸڭ توبىنا رەسمي تٷردە ساتىلدى. بۇل تۋرالى R-Sport مەلٸمدەدٸ, - دەپ حابارلايدى Tengrinews.kz اگەنتتٸگٸ Vesti.kz پورتالىنا سٸلتەمە جاساپ.
بۇعان دەيٸن "چەلسي" بوەلي كونسورتسيۋمىنىڭ 5,3 ميلليارد دوللار تۇراتىن باقىلاۋ پاكەتٸن ساتىپ الۋ شارتتارىنا كەلٸسكەن بولاتىن. الايدا, كوماندانىڭ قوجايىنى ابراموۆيچ ۇلىبريتانييا ٷكٸمەتٸ ۇسىنعان كەلٸسٸمنەن باس تارتقاننان كەيٸن كلۋبتىڭ ساتىلاتىنى كٷمەن تۋدىرعان. كەيٸن كەلٸسپەۋشٸلٸكتەر رەتتەلٸپ, كلۋبتىڭ ابراموۆيچ الدىنداعى 1,6 ميلليارد فۋنت ستەرلينگ قارىزى ٶتەلەتٸن بولدى.
