فوتو: freepik.com
سوڭعى جىلدارى جاساندى ينتەللەكت جٷيەلەرٸ, سونىڭ ٸشٸندە ChatGPT سىندى پلاتفورمالار بٷكٸل ەلەمدە بٸلٸم بەرۋ سالاسىنا بەلسەندٸ ەنٸپ جاتىر. بٸراق بۇل تەحنولوگييانىڭ بالالاردىڭ ويلاۋ قابٸلەتٸنە, ەستە ساقتاۋىنا جەنە سىني ويلاۋ داعدىسىنا قالاي ەسەر ەتەتٸنٸ قوعامدى الاڭداتقان ماڭىزدى سۇراقتاردىڭ بٸرٸ. وسى ورايدا Ult.kz تٸلشٸسٸ «ChatGPT جەنە جاڭا تەحنولوگييالار بالالاردىڭ ويلاۋ جٷيەسٸ, جادى, سىني ويلاۋ قابٸلەتٸنە كەرٸ ەسەر ەتپەي مە?» دەگەن سۇراقتىڭ جاۋابىن ٸزدەپ كٶردٸ.
ٷكٸمەتتە كٶتەرٸلگەن مەسەلە
مەجٸلٸس دەپۋتاتى, «AMANAT» پارتيياسى فراكتسيياسىنىڭ مٷشەسٸ اسحات ايماعامبەتوۆ وسى مەسەلەنٸ ٷكٸمەت دەڭگەيٸنە كٶتەرٸپ, پرەمەر-مينيستر ولجاس بەكتەنوۆكە دەپۋتاتتىق ساۋال جولدادى.
فوتو: اشىق دەرەككٶز
«ChatGPT سيياقتى جٷيەلەردٸڭ شىققانىنا ەكٸ جىلدان استى. الايدا مەكتەپتەرٸمٸزدە جاساندى ينتەللەكتٸگە قاتىستى جٷيەلٸ وقىتۋ, ەدٸستەمە, باعدارلاما ەلٸ دە جوق. شىن مەنٸندە, بالالار بۇل تەحنولوگييالاردى باياعىدان بەرٸ پايدالانىپ كەلەدٸ. ٷي تاپسىرمالارىن GPT ارقىلى ورىنداپ, ونى شپارگالكا رەتٸندە قولدانۋدا. بٸز ولارعا بۇل قۇرالدى قالاي دۇرىس, ادال قولدانۋ كەرەكتٸگٸن ٷيرەتپەي وتىرمىز», – دەدٸ دەپۋتات.
مەسەلە – قۇرالدا ەمەس, قولدانۋدا
ٸت مامانى شەرحان مولداحمەتۇلى بۇل تەحنولوگييانى زييان نەمەسە پايدالى دەپ بٸرجاقتى باعالاۋعا بولمايتىنىن ايتادى.
فوتو: شەرحان مولداحمەتۇلىنىڭ جەكە مۇراعاتىنان
ونىڭ سٶزٸنشە, ChatGPT – جاي عانا قۇرال. ول بالانىڭ تانىمدىق قابٸلەتٸنە قالاي ەسەر ەتەتٸنٸ ونى قالاي پايدالاناتىنىمىزعا تٸكەلەي بايلانىستى.
«ەگەر بالا GPT-دٸ تەك دايىن جاۋاپ الۋ ٷشٸن قولدانسا, بۇل ونىڭ سىني ويلاۋ, ەستە ساقتاۋ جەنە ٸزدەنۋ داعدىلارىنا كەرٸ ەسەر ەتۋٸ مٷمكٸن. بۇل – كالكۋلياتوردى قولدانا وتىرىپ ەسەپتٸڭ لوگيكاسىن تٷسٸنبەۋمەن تەڭ. ال ەگەر بالا GPT ارقىلى كٷردەلٸ تاقىرىپتاردى زەرتتەپ, سۇراق قويىپ, جاۋاپتاردى سالىستىرىپ, تالداي بٸلسە, بۇل قۇرال بالانىڭ زيياتكەرلٸك دامۋىنا وڭ ىقپال ەتەدٸ», – دەيدٸ ٸت مامان شەرحان مولداحمەتۇلى.
ونىڭ ايتۋىنشا, مۇندا اتا-انا مەن مۇعالٸمنٸڭ رٶلٸ ماڭىزدى. بالانى جاي «جاۋاپ ٸزدەۋگە» ەمەس, «اقپاراتپەن جۇمىس ٸستەۋگە» ٷيرەتۋ كەرەك. بۇل – قازٸرگٸ بٸلٸم بەرۋ جٷيەسٸ ٷشٸن جاڭا مٸندەت.
پەداگوگ بۇلبۇل باقىتحان دا GPT-دٸڭ وقۋشىلار اراسىندا كەڭٸنەن قولدانىلىپ جاتقانىن راستايدى. بٸراق بۇل ٷردٸستٸڭ كٶلەڭكەلٸ تۇستارى بار.
فوتو: بۇلبۇل باقىتحاننىڭ جەكە مۇراعاتىنان
«سوڭعى جىلدارى وقۋشىلار شىعارماشىلىق تاپسىرمالاردى GPT ارقىلى ورىندايتىن بولدى. بۇل – قاۋٸپتٸ ٷردٸس. بالا اقپاراتتى سارالامايدى, جاي عانا كٶشٸرەدٸ. ۋاقىت ٶتە كەلە ول ٶز ويىن قۇراي المايتىن, تالداۋ جاساي المايتىن تۇتىنۋشىعا اينالادى. سوندىقتان بٸز GPT-دٸ زەرتتەۋ قۇرالى رەتٸندە قولدانۋدى ۇسىنامىز. مىسالى, GPT بەرگەن جاۋاپتى سىنىپتا تالداپ, ونىڭ قاي تۇسى دۇرىس, قاي جەرٸ قاتە ەكەنٸن بٸرگە قاراستىرامىز. بۇل تەسٸل وقۋشىنىڭ سىني ويلاۋىن دامىتادى», – دەيدٸ ۇستاز بۇلبۇل باقىتحان.
بالا – باستى رٶلدە, GPT – كٶمەكشٸ
ال پسيحولوگ ەلييا بازاربايدىڭ ايتۋىنشا, بالانىڭ تانىم قابٸلەتٸ مەن كوگنيتيۆتٸك جٷيەسٸ ٷنەمٸ جاتتىعۋدى قاجەت ەتەدٸ. ال جاساندى ينتەللەكت جٷيەلەرٸ بۇل پروتسەستٸ جەڭٸلدەتٸپ جٸبەرەدٸ, تٸپتٸ اينالىپ ٶتۋگە يتەرمەلەيدٸ.
فوتو: ەلييا بازاربايدىڭ جەكە مۇراعاتىنان
«بالا «مەن ويلانىپ كٶرەم» ەمەس, «مەن سۇراپ كٶرەيٸن» دەگەنگە داعدىلانىپ بارادى. ەسٸرەسە باستاۋىش جەنە ورتا جاستاعى بالالار ٷشٸن بۇل – ٶتە قاۋٸپتٸ. سەبەبٸ مي لوگيكالىق ويلاۋ, سەبەپ-سالدار بايلانىسىن قۇرۋ, شەشٸم قابىلداۋ ارقىلى داميدى. دايىن جاۋاپتار بالانىڭ بۇل داعدىلارىن ەلسٸرەتەدٸ. سوندىقتان بٸز GPT-دٸ بالانىڭ «ويىن سەرٸگٸ» ەمەس, «ويىنا سەرپٸن بەرەتٸن» قۇرال رەتٸندە پايدالانعان جٶن دەپ سانايمىز», – دەيدٸ پسيحولوگ ەلييا بازارباي.
يە, جاساندى ينتەللەكت – زامان تالابى. بٸراق ول بالانىڭ ورنىنا ويلاماۋى تيٸس. GPT – تەك كٶمەكشٸ, ال باستى رٶلدە بالانىڭ ٶزٸ بولۋى كەرەك. تەحنولوگييانى شەكتەۋدٸڭ ورنىنا, ونى تيٸمدٸ پايدالانۋدى ٷيرەتۋ – اتا-انا مەن مۇعالٸمنٸڭ باستى مٸندەتٸ. سوندا عانا جاڭا بۋىن تەحنولوگييانىڭ تۇتىنۋشىسى ەمەس, ونىڭ سانالى قولدانۋشىسى بولا الادى.
اقبوتا مۇسابەكقىزى
