اقش-تىڭ اۋرۋدى باقىلاۋ جەنە الدىن الۋ ورتالىعى (Center for Disease Control and Prevention, CDC) ورتالىق ازييا ەلدەرٸن حالىقتى جاپپاي كوروناۆيرۋس تەستٸنەن ٶتكٸزۋگە شاقىردى. CDC ورتالىق ازييا بويىنشا ايماقتىق ديرەكتورى دەنيەل سينگەر 6 مامىر كٷنگٸ تەلەفون بريفينگ كەزٸندە جاپپاي تەستٸلەۋ ٶتكٸزۋ ارقىلى عانا اۋرۋدىڭ قانشالىقتى كەڭ تاراعانىن كٶرۋگە بولادى, سونىمەن بٸرگە ٸندەت وشاقتارىن انىقتاۋعا بولادى دەدٸ.
سينگەردٸڭ ايتۋىنشا, CDC قازاقستاننىڭ دەنساۋلىق ساقتاۋ سالاسى مەن تۇرعىنداردى تەستٸلەۋدەن ٶتكٸزۋگە 1,68 ميلليون دوللار قاراجات بٶلگەن. ۇيىمنىڭ ايتۋىنشا, بۇل قاراجات زەرتحانا جابدىقتارى مەن قۇرالدارىن ساتىپ الۋعا, اتاپ ايتقاندا پتسر-اناليز, دەنساۋلىق ساقتاۋ سالاسى ماماندارىن ترەنينگتەن ٶتكٸزۋ جەنە تەحنيكالىق كٶمەك كٶرسەتۋگە جۇمسالماق.
دەنيەل سينگەردٸڭ سٶزٸنە قاراعاندا, ۇيىمنىڭ ورتالىق ازييا ايماعىنا 6,8 ملن دوللار كٶلەمٸندە كەشەندٸ كٶمەك بەرۋ جوسپارى اياسىندا قازاقستانعا قارجىلاي كٶمەك كٶرسەتٸلٸپ وتىر.
6 مامىر كٷنگٸ مەلٸمەت بويىنشا, قازاقستاندا 4432 ادامنان كوروناۆيرۋس تابىلعان, 30 ادام قايتىس بولعان. ەلەمدە ۆيرۋس جۇقتىرعاندار 3,7 ملن ادامعا جەتكەن. اقش-تا 1,2 ملن ادامنان كوروناۆيرۋس تابىلعان.
